Home General Negoshinan di Piramida nobo prohibi na Europa a haci entrada na ...

Negoshinan di Piramida nobo prohibi na Europa a haci entrada na Aruba

2345
0
SHARE
- Advertisement -

Apesar di advertencia di Banco Central

ORANJESTAD   (AAN) — Por corda ainda con tanto aña pasa e wega of sistema di spaar placa y inverti conoci como piramida a existi rond mundo y cu ta masha hopi hende a perde delaster un cent cu nan a hunga den e wega aki.

Na Aruba mes ta centenares di hende a perde nan placa y keda plan bashi.

Un luna y mey pasa Banco Central di Aruba a adverti publico tocante “Questra” y
Atlantic Global Asset management  cu ta ofrece servicio di inversion na Aruba via medionan social” y no tin permiso di Banco Central pa haci e negoshinan aki for di Aruba tampoco.

A adverti pa no transferi placa  pa cualquier cuenta bancario cu nan por a menciona.

Actualmente e Atlantic Global Asset management y Questra World a drenta nos isla tambe y tin interes di masha hende principalmente cerca hobennan cu no a conoce e “rage” di piramida cu tabata existi y cuanto a keda perhudica financieramente. Advertencianan contra esaki ta wordo ricibi continuamente y tambe mustrando cu e personahenan cu ta wordo usa den promocionnan di e companianan aki ta hendenan paga pa esaki pa influencia interesadonan cu cay den e “trampanan”.

Tambe a sali afor cu nan a usa caranan di hendenan di riba e diferente sitionan di Medionan Social, pa aparenta dirigentenan di companianan etc.

E promocionnan di tanto Atlantic cu lo ta situa na Cabo Verde  y ta traha cu banco, y tambe di Quest World cu ta menciona di ta estableci na Murcia Spaña, no ta berdad ya cu e companianan aki tin nan origen na Rusia y na Ucrania y ta estafando hende.  Questra por ehemplo ta registra den offshore na Islanan Virgenes Britanico y no na spaña  .

Por sigui tambe e website di supervision FSMA na Hulandes pa por nota cu Atlantic Global Asset Management por ehemplo ta prohibi na varios pais europeo y di advertencianan cu nan a yega di haya. Por sigui websitenan di  supervisornan di FMA pa haya informacion tocante e negoshinan estafador cu Questra entre otro  tambe e site di supervisornan di FSMA.

Un advertencia sinembargo na tur hende relaciona cu promocionnan  di e companianan aki na Aruba, pa nan no cay den trampanan y fraude mundial.

Banco Central di Aruba mes a mustra con e companianan aki tabata suheto di varios adverencia di autoridadnan di supervision den exterior, entre nan FMA di Reino Uni menciona anteriormente , Financial Market Authority di Lichtenstein, tambe Autoriteit voor Financiele Diensten en Markten di Belgica, KNF Financial Supervision Authority di Polonia y Comision Nacional del Mercado de Valores di Spaña.

- Advertisement -

DUNA COMENTARIO

Please enter your comment!
Please enter your name here