Home Labor No necesariamente gobierno mester scucha SER prome pa ahusta salario minimo

No necesariamente gobierno mester scucha SER prome pa ahusta salario minimo

18
0
SHARE
- Advertisement -

Sr. Frenk Kock, ex-hefe di labor:

ORANJESTAD (AAN) – Señor Franklin (Frenk) Kock, ken pa mas cu 30 aña largo a ocupa e posicion di hefe di Departamento di Labor, a reacciona riba un comunicado di SER, tocante cu nan no a wordo scucha den e proceso pa ahusta di salario minimo

Locual si no ta corecto di Gobierno ta trece den vigencia entrante 1 di Augustus 2017 pasobra ley ta stipula cu e ta sosode 1 di Januari, y den e caso aki mester tabata januari 2018.

Sr. Kock a bisa cu como ciudadano cu ta conoce e materia aki bon, y tambe a sigui e procesonan di cambio den ley, e por duna un advies, y for di su punto di bista locual SER a publica no ta corecto.

El a splica cu e ley di salario minimo (landsverordening) articulo 13: lid 1 tin e palabra “KAN” (kiermen cu por).

Sr. Kock a lesa e articulo (na Hulandes) y el a splica cu e ta mustra cu henter e asunto ta bay a base di e fecha y si nan a aumenta e salario minimo nan tin mag di hacie, pero unda SER tin razon ta cu esey por tuma lugar tur aña entrante Januari.

E ta nifica cu e aumento por wordo haci pero entrante Januari 2018 y no 1 di Augustus manera gobierno a bisa. Esey ta e fout cu tin.

Pero no ta asina cu nan mester scucha SER su conseho, manera e instancia aki ta bisa.

El a agrega cu den pasado caba ora e tabata hefe di Departamento di Labor, SER tabata yama pa haci e reclamo y e tabata aclarea cu nan no tabata deal cu SER sino cu e Minister di Labor y SER cu e Minister di Economia.

Ta Departamento di Labor ta sugeri aumenta e salario minimo segun fecha den ley, ora ta necesario pa tal of cual motibo, segun sr. Kock ta corda tabata e caso semper.

E ora ey e minister tabata mande pa SER. Pero no cu el a bay nunca directamente pa e instancia aki pa pidi conseho. Pero esaki ta den e minister su man. Pero si e minister tin pura e por notifica SER cu lo aumenta salario minimo pa 1 Januari e aña siguiente.

- Advertisement -

DUNA COMENTARIO

Please enter your comment!
Please enter your name here