Home General NV Elmar core 4 kilometer di kabel nobo pa Paradera

NV Elmar core 4 kilometer di kabel nobo pa Paradera

28
0
SHARE
- Advertisement -

ORANJESTAD  (AAN) — Den cuadro di nan plannan anual di inversion den mantencion, renobacion y ampliacion di nan red di distribucion di coriente, algun luna pasa NV Elmar a inicia nan proyecto di core un kabel nobo di 12KV for di nan Substation na Sabana Blanco pa Paradera.

“Ta trata aki di un inversion di 1.2 miyon florin, pa core un kabel nobo y moderno di alrededor di 4 kilometer. E no ta reemplasa ningun otro kabel, sino e ta bini nobo pa cumpli cu e demanda creciente den e districto di Paradera y pa por tin un ruta alternativa pa switch coriente den caso di un fayo”, asina Ing. Robert Henriquez, Director di NV Elmar a conta na momento di anuncia cu e proyecto ta andando segun schedule y lo caba den algun siman mas. 

E kabel aki lo sirbi pa garantisa un suministro mas stabiel pa areanan manera Tanki Leendert, rond di rotonde di Paradera y e cayanan patras di Santa Cruz. Na e momento aki e kabel den uzo ta yen caba y ta bira dificil ora di “schakel om” distribucion na momento di un “storing”. Cu e proyecto aki, en bes di 1 kabel principal, awor Paradera lo conta cu 2 kabel principal pa por cumpli cu e demanda.

Na e momento aki e compania di construccion, cu a cuminsa coba desde e substation na Sabana Blanco, ya ta patras di Ex Codemsa na Meiveld bayendo direccion Rooi Afo cu e trabou di cobamento, mientras su tras tecniconan di NV Elmar ta tirando e kabel di coriente bou di tera. E trabounan ta bayendo segun schedule y si no tin complicacion, lo finalisa den algun siman mas.

- Advertisement -

DUNA COMENTARIO

Please enter your comment!
Please enter your name here