Home General OPPA: Premier Eman ta priminti pago di 85 fls cu pensionado tin...

OPPA: Premier Eman ta priminti pago di 85 fls cu pensionado tin derecho riba dje

316
0
SHARE
- Advertisement -

ORANJESTAD (AAN) — Despues di hopi aña OPPA a yega na un palabracion cu Gobierno encuanto

pagonan pendiente, segun informacion di sr. Ivo Valdez, Presidente di Organizacion di Pensionadonan di Gobierno (OPPA). Valdez ta splica cu desde cu el a asumi e presidencia di OPPA, tin algun asunto cu no a keda cla, entre otro e ahustacion cu Gobierno a duna na e ambtenaarnan, desde 2013. Lamentablemente, e pensionadonan no a haya esaki, mientras cu segun nan, nan tin derecho riba dje.

Valdez ta sigui bisa cu OPPA a manda diferente carta pa Gobierno, te cu siman pasa Diahuebs, casualmente, nan a logra reuni cu Minister Presidente.
E dignatario a priminti di lo paga e 85 florin, pero te ainda nan no sa con e ta bay wordo paga y si e ta cu forza retroactivo ya cu e ta un suma basta halto. Lo mester sinta na mesa pa regla con esey ta bay tuma lugar.
E unico problema ta cu e Gobierno ta sintando su parti final y ken sa cu e propio Gobierno lo bolbe bek. Y si enberdad, e pago ta bira un realidad.

Sr. Valdez ta spera cu no ta un
promesa falso. Te ainda no tin garantia cu nan lo haya e pago for di Minister Presidente, pero e ta algo verbal y nada riba papel.
Sr. Valdez lo manda un carta pa Sr. Eman pa recorde riba e palabracion haci. E pregunta
grandi cu OPPA ta hayando ta cu ki dia nan lo ricibi e pago y te na unda. Y esey ta e
contestanan cu Sr. Valdez no por duna OPPA su miembronan.

Esaki ta bin dilanti, ya cu diariamente e yamadanan ta drenta ki dia e 85 florin lo bay wordo paga.
Antes e pensionadonan tabata den un sistema di pension cu yama PVL. den e sistema ey, na momento cu un ambtenaar haya un ahustacion di salario, e pensionadonan tabata haye tambe.

Esey a cambia, ya cu PVL a bira NTL na 2011. Y pa cambia e sistema ey a haci uso di e sindicatonan y tambe di entre otro OPPA.

Sr. Valdez mes no tabata forma parti di OPPA e tempo ey, ya cu e tabata representa SIMAR.

A cambia e PVL pa NTL na 2011, pa motibo cu e fondo no por a sigui existi segun e gobernantenan y esnan cu tabata dirigi e fondo. Loke a pasa ta cu mientras cu e NTL 2011 tabata vigente, nan a introduci un otro fondo cu ta NTL 2014. Eynan OPPA no a participa den tur e discusionnan. Aparentemente, eynan tabata tin cosnan cu a bay fout y na comienzo na a duna e ahustacionnan cu e ambtenaarnan tabata haya. Pero diripiente, for di 2013 bay ariba, tempo di Minister Yrausquin, nan no ta haye mas, mientras cu nan a haye pa 3 aña sigui.

Directiva di OPPA e tempo ey, tabata manda carta pa bashi premie y gelijkbedrag na final di
aña. Pero e no a mishi mas profundo riba e tema aki. No obstante, desde Februari ta trahando riba
dje. Prome cu yega mas leu, miembronan mester compronde cu mester manda carta tras di
carta, pasobra si bay Corte y nan perde e caso, tur cos ta caba eynan. Y den e tramite eynan OPPA ta, segun Ivo Valdez.

Prome Minister a duna garantia cu nan lo bay pague debi cu e ta haya cu acuerdonan cu a
wordo cera, nan a bay den un forma mucho lihe y no suficientemente transparente.

Basa riba esey, Prome Minister lo percura pa e pensionadonan haya e suma cu nan tin derecho ariba dje. Asina sr. Ivo Valdez, presidente di Organizacion di Pensionadonan Publico (OPPA) a declara.

 

- Advertisement -

DUNA COMENTARIO

Please enter your comment!
Please enter your name here