Clayton Croes:
Un gran parti di mi escohencia ta sigur e filosofia Cristian Democrata cu e partido ta hiba. E filosofia di inclusion y no discriminacion, basa riba e principionan di libertad, igualdad, justicia social y respet pa e derechonan di e ser humano.
E filosofia aki ta incorpora e bunita aspectonan liberal, conservativo y social y e AVP tin riba su mes como meta pa tene actividad pa haci investigacionan cientifico cu ta guia e partido. AVP a sa di stimula e cooperacion entre pais, instancianan y gruponan na Aruba y den exterior, cu metanan similar pa un mihor mundo pa nos tur.
Cu e derechonan di tur ser humano na pecho, trahando por medio di plannan basa riba ciencia, dunando oportunidad na e hoben cu pensamentonan y perspectivanan nobo, AVP ta un partido innovativo. Y sin laga for tur e bon trabouw cu nos tur por wak.
Temanan cu mi lo enfoca riba nan durante campaña y cu mi kier pone enfasis riba nan como politico, ta temanan cu mi tin tur confiansa cu berdaderamente mi ta capaz na duna un aporte positivo. Pa mi persona e areanan di interes cu mi ta enfoca riba dje ta nos Saludo Publico, Medio Ambiente, Educacion y Hoben.
Mi puntonan cardinal pa duna aporte positivo riba e diferente areanan di interes aki ta pa nos logra cu tur e materialnan necesario pa funciona optimal como instancianan gubernamental y haci mihor uzo di data pa sigui mehora maneho den cuido preventivo.
Cuminsa cu un campaña intensivo di conscientisacion y separacion di desperdicio pa asina nos por garantisa cu generacionan binidero tambe tin un Aruba bunita. Continua na mehora nos educacion cu digitalisacion den didactica como prioridad, dunando guia na docentenan pa por aplica e didactica adecuadamente y dunando mas atencion specialisa na tur studiante den forma individual y na nan nivel.
Pa finalisa, mi lo kier duna e sosten necesario na nos hoben, bogando pa un “JongerenLoket” unda cu tur preguntanan, tocante estudio, financia, social y huridico lo por wordo dirigi y atendi confidencialmente.
Como politico mi lo kier pone enfasis, cu pueblo ta pidi pa politica y campaňa di nivel y pa nos representa pueblo dignamente. Cu e vision di #CUPERSPECTIVANOBO ami como candidato lo brinda e pueblo di Aruba e politica y campaňa di nivel cu ta exigi.
Drs. Ing. Clayton Croes (30)
Estudio:
Master of Science (MSc), Biomedical Sciences
Infectie Ziektes & MPE (Management, Policy Analysis and Entrepreneurship)
Vrije Universiteit Amsterdam
Bachelor of Applied Science (BASc), Biomedical Sciences
Diagnostiek & Analyse
Avans Hogeschool Breda
Profesion:
Beleidsmedewerker DVG & Waarnemend Hoofd GKMB
Lema:
#CUPERSPECTIVANOBO
