Home Politica Partido CURPA a presenta nan Programa Politico 2017-2021

Partido CURPA a presenta nan Programa Politico 2017-2021

159
0
SHARE
- Advertisement -

ORANJESTAD (AAN): Partido CURPA a presenta nan Programa Politico 2017-2021, titula ‘Salba Aruba’, segun presidente di Partido CURPA, drs. Robert Anjie.

Partido CURPA ta hopi contento di por presenta nan programa, specialmente den temponan aki, na unda segun nan, Aruba ta na rand di un abismo. Criminalidad ta halto, corupcion ta tur caminda, fronteranan ta hancho habri, na unda cu ‘cheap labour’ ta causa hopi daño den sector laboral, Aruba ta perdiendo autonomia, nos economia ta stagna, un decadencia di norma y balornan, y hopi cos mas ta pasando na Aruba cu mester bin un cambio.

Den programa ‘Salba Aruba’, e partido ta bin cu solucionnan pa diferente tema, maneho creativo, por ehempel riba Finanzas Publico, na unda nan ta propone pa rescata y drecha pa crea un economia fuerte y diversifica. Un turismo dinamico y competitivo, y un salubridad publico na unda salud ta na prome lugar.

E programa tambe ta inclui un maneho anti-corupcion, na unda nan kier caba cu corupcion cu ta azota diferente nivel di gobernacion y politica. Nan tambe kier stimula un plan di agricultura, pesca y cria di bestia.

drs.Anjie a bisa cu nan kier implementa un sistema di beslating nobo, pa asina e ciudadano y negoshinan chikito lo resta mas placa den nan cartera y nan por lora den economia. Nan tambe lo cambia plan di pension actual, bahando esaki pa 60 aña, riba un manera responsable, na unda e fondonan por carga esaki.

Nan plan contra criminalidad y husticia ta encera cu e ciudadano lo haya proteccion contra inhusticia na Aruba.

E plan ‘Salba Aruba’ ta un plan extensivo di 35 pagina, pero mirando tur e problemanan na Aruba, nan por a haci esaki uno di 200 pa 300 pagina. Esaki ta un plan cu lo beneficia cada ciudadano di Aruba, no solamente un cierto grupo di ciudadano.

E programa ta obtenibel cerca candidatonan di Partido CURPA, como tambe riba nan website.

 

- Advertisement -

DUNA COMENTARIO

Please enter your comment!
Please enter your name here