Home Politica POR a haya 578 firma di sosten

POR a haya 578 firma di sosten

270
0
SHARE
- Advertisement -

ORANJESTAD   (AAN):   Dialuna mainta siman a habri cu hopi animo y entusiasmo di parti e famia grandi di partido Pueblo Orguyoso y Respeta (POR). Candidatonan, famianan amistadnan y sostenedornan a aglomera den gran forma na ex edificio di RBTT den L.G. Smith Boulevard na dependance di Censo.

E ‘accion’ pa colecta firma a inicia 9or di mainta y ta programa pa bay door te cu dia 15 di augustus. Considerando esaki, POR kier a manda palabranan di gradecimento na cada un persona cu a tuma algun minuut di nan tempo pa asina hacie posibel pa cera e cantidad di firma den 6ora y mey (3or y mey di atardi), riba dialuna mes.

Ta asina tur partido cu no tin asiento den Parlamento mester busca e cantidad ariba menciona di voto di sosten pa asina nan por participa na eleccion 2017. E aña aki 7 partido mester logra e cantidad aki, di cual te cu aworaki solamente POR a yega e cantidad.

Sosteniendo partido POR den e proximo eleccion ta nifica sosten pa un partido cu e siguiente 4 balornan principal: Pragmatismo, unda cu ta acerca reto di comunidad a base di factibilidad y racionalidad, Progresividad: enfoca riba uso di tecnologia y transformacion riba tur nivel, Integridad: critico y auto-critico

riba tur nivel, Comunitarismo: den contacto estrecho cu comunidad y traduci preocupacion den accion.

 

- Advertisement -

DUNA COMENTARIO

Please enter your comment!
Please enter your name here