Home Turismo Premio di Reconocemento di Miembro di Ekipo na Hilton Aruba Caribbean Resort...

Premio di Reconocemento di Miembro di Ekipo na Hilton Aruba Caribbean Resort & Casino

45
0
SHARE
- Advertisement -

ORANJESTAD(AAN)— E ceremonia di premiacion di reconocemento cu a tuma luga recientemente na e resort a premia conducta excelente y logronan entre e Miembronan di Ekipo durante e luna di Juni.

E proceso inovativo di nominacion a permiti tanto e voz di e cliente como e voz di e miembro di ekipo pa wordo scucha, unda cu Miembronan di Ekipo a bin na remarke pa nominacion dependiendo riba e cantidad di mencion cu nan ta ricibi riba TripAdvisor, y otro plataformanan di evaluacion.

Despues, e Miembro di Ekipo nomina di front-of-house ta selecta un Miembro di Ekipo di back-of-house, kende segun nan ta merece elogio publico.

Manera a wordo spera, e nominadonan a bin di diferente departamento, y e ganadornan selecta a ricibi un certificado declarando nan Miembro di Ekipo/Supervisor of Gerente di luna. E certificado a inclui un resumen cortico di nan contribucionnan special na e operacion diario exitoso di e resort.

Ganadornan pa Juni a inclui Rosa Tromp, kende a wordo elogia pa su sosten administrativo estelar; Silvio Hodge pa su dedicacion incansable na servicio di cliente den e entrada di lobby di e hotel; Ina Tromp y Louisa Ferguson, di Housekeeping, Ina pa su cuido excepcional di uniform y Luisa pa e hecho cu el a score un diez, tres biaha consecutivo, riba un encuesta di satisfaccion di huespet; Huberman Jean pa e hecho cu e ta un “team player” den e departamento di Food & Beverage, y Elvita Rosario, pa su habilidadnan considerable di “upsell” na Sunset Grille y pa su interaccion continuo cu huespetnan; Jhune Gadia pa su actitud positivo y Emmely Polsbroek, pa su amabilidad y disposicion trankilo.

Como Supervisor di e Luna, tanto Alexander Roberts como Elton Trezil a sobresali riba tur otro nominado; ambos a wordo elogia pa nan tremendo spirito di ekipo y motivacion propio.

Aura Reed tabata e Supervisor ganador di Food & Beverage. El a distingui su mes door di yega na trabou 5’or di mainta pa verf y haci su departamento limpi pa dos dia consecutivo. Jeremy Santanilla, di Engineering, a forma parti di e grupo ganador hunto cu Esperanza Castillo, di e Kitchen.

Como Gerente di Luna, Lisa Dammerman, e resort su specialista di bruid, a ricibi palabranan di elogio pa su dedicacion total na parehanan cu ta celebrando nan union na e resort, proveendo servicio excepcional y determinacion di miho clase. Su colega Marielle Smeets, di Activities, Angelique Croes, di HR y Sheldon Leuden, di Food & Beverage, a comparti e scenario y e atencion, como e resort su miho gerentenan di e luna.   Aki por mira algun momento memorable di e ceremonia.

 

- Advertisement -

DUNA COMENTARIO

Please enter your comment!
Please enter your name here