Home Politica Presidente di CE: Proceso di entregamento di lista a bay den e...

Presidente di CE: Proceso di entregamento di lista a bay den e ambiente trankil y di respet spera

175
0
SHARE
- Advertisement -

ORANJESTAD (AAN) – E proceso di entregamento di lista for di e partidonan politico, Diabierna, a bay manera Conseho Electoral a spera cu e sosode.

Asina mr. Glenn Thode, Presidente di Conseho Electoral, a expresa den un declaracion publico.

E miembronan di Conseho Electoral a reuni den un ambiente solemn y di nivel halto, na unda e apoderado di cada partido a presenta nan dilanti pa entrega e lista, y e personanan cu a postula nan mes como candidato por a yega hunto cune. Tin partido cu a hacie, tin otronan cu no.

CEA a controla e rekisitonan segun ley, pa wak si nan a cumpli cu eseynan, y a duna cada partido un comprobante cu nan a entrega esaki, y kico tabata tin riba e lista.

Presidente di CEA mr. Glenn Thode a subraya cu tabata tin aki aya, algun rekisito chikito cu no tur ora ta alinea manera ley ta prescribi. 

Un ehemplo ta e grandura stipula pa un potret, y CEA a ricibi algun cu no tin e grandura tipico ey, pero ley ta duna tambe espacio pa coregi esaki.

E partidonan concerni tin cu cumpli cu e coreccion aki dentro di e periodo defini cu ta te 4’or di atardi.

Un punto esencial pa entrega tur cos corectamente ta e horario di 9-4 y no tin tempo prome ni tempo despues, Presidente di Parlamento a acentua.

Sr. mr. Thode a señala cu partido AVP a pidi pa presenta e lista un ora mas laat. El a remarca cu si tin algun rekisito cu falta e ora ey, y nan no por haal pa bin bek cu e coreccion pa 4’or lo no tin espacio mas pa entrega.

Tin rekisitonan cu kizas por wordo drecha na Censo mes, mr. Thode a duna di conoce. Ta asina cu Conseho Electoral tambe tin cu cumpli cu e rekisitonan pa guia e proceso di entrega.

Presidente di Conseho Electoral a comenta cu eyfo tabata tin algun pregunta y esun principal ta pakico no a tira lot. Den su concepto ora tira lot por haya e partidonan grandi hopi cerca di otro. Esaki no ta un sistema logico, y mr. Thode a subraya cu ora di traha cu orden y structura tin cu traha cu logica. Esey kiermen cu a scoge, a base di e criterionan cu tin, con tur kier pa e dia bay, y pesey ta structura di e mihor manera posible segun argumentonan logico, con pa organiza e proceso. Pesey nan a diseñe di cierto forma.

Un aspecto cu mr. Thode a acentua ta cu paden tur cos a bay den un bunita ambiente di masha respet y trankil, cu tambe ta loke ley ta rekeri di nan.

Presidente di CEA a anuncia cu lo considera pa den futuro, contempla sea haci otro lugarnan posible pa entregamento di lista of lague mantene den Censo.

Prome cu esey nan lo evalua con e proceso aki a bay, no obstante e mes no ta mira ningun motibo, mirando con e proceso a bay, pa cambia e lugar.

Por ta si tin algun sugerencia pa haci na e Legislador concerni, pa yuda Conseho Electoral pa haci e proceso mihor ainda, hasta si lo bin mas partido den futuro, pa e proceso cana na e manera y logica cu el a cana ayera.

 

- Advertisement -

DUNA COMENTARIO

Please enter your comment!
Please enter your name here