Home Cultura “Prome festival di poesia na Aruba ta un actividad pa famia completo”

“Prome festival di poesia na Aruba ta un actividad pa famia completo”

57
0
SHARE
- Advertisement -

Basha Foundation:

ORANJESTAD – E aña aki ta cumpli 10 aña cu anochinan poetico a cuminsa tuma luga na Aruba. Pa celebra esaki Basha Foundation ta presenta e festival di poesia “Poetry is an island” cual lo tuma luga dia 27 di augustus na Flor de Oriente.

E portanan lo habri 4 or  atardi y evento lo sigui te cu aproximadamente 12or di anochi.

E entrada pa e festival ta solamente 1 florin. Un di e fundadornan di Basha Foundation, esta Maria Silva ta conta cu e meta di e evento ta pa trece e comunidad completo hunto pa medio di arte. E meta no ta pa tin un festival unda tin yen cos pa hende cumpra so, sino cosnan pa hende haci y disfruta di dje.

E dia lo conta cu entretenimento di diferente banda y DJ localnan tambe y diferente cantante manera Brown Sugar y Pearl Dumfries. E ta importante tambe pa trece dilanti e esencia caribense den e evento, pa e motibo ey mes tambe lo tin Steelpans pa deleita publico.

Poesia pa tur hende
E prome mitar di e dia lo ta enfoca riba muchanan cu ta haci poesia entre edadnan di 6 pa 13 aña. Hunto cu nan lo tin e baluartenan poetico di nos comunidad como entre otro Olga Buckley, Desiree Correa y un grupo di Colegio Bon Bini bou di guia di Munje Oduber Winklaar. E parti mas anochi, lo enfoca riba poetanan un poco mas grandi y cu ta conoci pa asisti e anochinan poetico tur luna como Henry Dabian, Luis Villegas, Mirzah Manga y Wendy Maduro Johnson.

Poeta international
Pa prome biaha, Fundacion Basha lo trece un poeta international pa clausura e anochi tambe.

Ta papia aki di e poeta Americano Alysia Harris, cual ta basta popular den su area y e ta un nomber conoci den e comunidad di poeta na Aruba. E hoben ta un poeta renombra, cu a traha cu diferente organisacionnan grandi.

Mas famoso ta su poema “That Girl” cu a sali riba e programa “Brave New Voices” riba e canal HBO na merca cu actualmente a surpasa 3 miyon di views riba Youtube. Harris tambe lo aporta na comunidad pa medio di duna dos tayer di poesia.

Un na e hobennan di Ortopedagogische Centrum na Dakota y e otro na e presonan femenino na Korrektie Instituut Aruba.

Basha Foundation ta invita pueblo completo pa forma parti di un actividad cu ta un poco diferente cu lo normal y cu ta inclui famia completo.

 

- Advertisement -

DUNA COMENTARIO

Please enter your comment!
Please enter your name here