Home General Prueba di falta di liderazgo di un Prome Minister ausente di tur...

Prueba di falta di liderazgo di un Prome Minister ausente di tur inkietud di nos pais

80
0
SHARE
- Advertisement -

Detencion di dos menor cu arma y encapucha:

ORANJESTAD (AAN) – Diamars mainta e conferencia semanal di prensa di Partido POR, Plataforma e Forza Nobo a tuma lugar, den su sede na Cayena Mall.

Tabata presente e lider di POR, sr. Otmar Oduber y Parlamentario mr. Andin Bikker.

Oduber a cuminza cu e tema di liderazgo. El a comenta cu den fin di siman hopi a wordo interpreta kico ta liderazgo den nos pais, y naturalmente e conclusion cu por wordo saca for di cualkier definicion cu wordo haci, ta e hecho cu na Aruba e ultimo tres pa cuater aña, ta carece di liderazgo, ta carece di un persona cu ta percura pa e bienestar di nos comunidad.

Otmar Oduber a referi na e noticia di ayera den tur medio di comunicacion unda ta papia no solamente di atraconan cu ta tumando lugar, y cu a pasa na Augustus, e di ocho luna di aña, e record di atraconan di aña pasa cu tabata 60.

Aworaki, no obstante, tin un discusion tocante e definicion di atraco for di e Minister encarga cu Husticia, cu ta bisa cu pa papia di atraco mester ta cu arma unda tin agresion of ta elimina un persona, of debi na atraco un accidente ta sosode cu hende herida. Kiermen segun e minister e ora ey por considera esaki un atraco.

“Ya caba e ta cruza e linea di ridiculez y kico ta fatsoen den e comunidad aki. Pero realidad ta nos ta papiando di robo ni ladronicia mas, pero di mas di 63 atraco cu a tuma lugar den e prome ocho lunanan di e aña aki”, Otmar Oduber a subraya.

Otmar Oduber a acentua riba e detencion cu a caba di sosode cu dos menor di edad (9 cu 13 aña) cu a wordo gara e ultimo 24 oranan aki, como presunto sospechoso di tin arma y capuchon y cu tabata tin intencion di comete un robo of un atraco cu e armanan ey.

Oduber a pone enfasis riba su pregunta: “Na unda e lider di e comunidad aki ta? Unda e Prome Minister ta, na e momentonan aki, cu bo ta mira e ola di criminalidad aki, sea pa hala atencion na su minister di husticia, sea pa duna trankilidad na comunidad di Aruba cu nan ta bezig pa atende cu esaki. Nos no a drenta den e asina yama ‘high season’  ainda y cu minister di husticia ta referi na dje pa loke ta trata e ultimo tres lunanan di aña, y ya caba nos a cruza e record di aña pasa den atraconan, y hobennan di 9 cu 13 aña ta wordo gara cu arma y encapucha”, Otmar Oduber, lider di POR a señala.

Oduber ta cuestiona cu tur ora e titular di husticia ta bisa cu el a hereda esaki for di e gobiernonan anterior.

El a agrega cu ora di mira cu hobennan di 9 y 13 aña ta wordo deteni cu intencionnan menos bon cu nan por tabata tin, ta un muestra di incapacidad cu tin na Aruba encuanto e lider di nos pais, nos Prome Minister, cu ta ausente na tur, pero tur e inkietudnan cu ta biba den nos comunidad.

- Advertisement -

DUNA COMENTARIO

Please enter your comment!
Please enter your name here