Home General RAIZ ta splica pakico a abandona e sala durante Debate Latino

RAIZ ta splica pakico a abandona e sala durante Debate Latino

534
0
SHARE
- Advertisement -

ORANJESTAD (AAN) — Na varios ocasion partido RAIZ a haci e peticion na e organizadornan di e debate Latino, pa asina e partido por a manda un otro persona pa representa RAIZ cu no ta e lider. Asina sr. Ursell Arends a declara den entrevista cu Matutino DIARIO.

El a señala cu na varios ocasion esaki a wordo nenga. No obstante, nan firma e reglanan, cu ta papia cla, cu e lider mester atende cu e parti aki.

Sinembargo, ta asina cu ora cu RAIZ a presenta na Cas di Cultura, a tuma nota di dos partido cu nan lider tabata ausente y a wordo representa pa otro persona. RAIZ ta kere cu si regla ta conta pa un, e ta conta pa tur hende. Nan ponencia ta cu nan ta para riba esey. Ta un lastima tambe cu e partido cu ta mando actualmente no tabata tey presente y tampoco Curpa. Pero esey ta keda na nan pa aclarea pakico nan no a presenta. RAIZ a bay a base di respet mutuo y ta para riba dje.

RAIZ ta mira cu Aruba ta un solo Aruba, no obstante cu na final tin diferente nacionalidad.

Pero RAIZ ta pensa cu pa un partido, organiza un debate djis pa un grupo, no ta na su luga.

Tambe Diahuebs por a tuma nota den e sala, cu aunke e comunidad Latino tambe ta sinti cu nan ta Arubiano, tabata tin masha poco presencia di e comunidad Latino mes den e sala.

Arends ta kere cu nan tambe ta sinti cu nan ta un solo pueblo, un solo Aruba.
Di un otro banda e organizadornan no a bende carchi individual. Nan a laguee den man di e partidonan y sabiendo cu e partidonan mes lo trece nan hendenan. Arends a comenta cu e ta kere cu mester laga e benta di carchi habri. E organizacion por a haya un miho acogida. RAIZ ta para manera cu di dia nan a lanta y ta para pa respet mutuo y esey ta keda exigi di tur hende.

Bo kier deal cu RAIZ, bo mester deal a base di respet. Bo ta impone regla, cual mester conta pa tur hende y no pa un persona so. Por ta su Spaño no ta mesun cos cu otro hende, pero esey no kiermen cu no por profila un otro candidato.
E reglanan cu a wordo firma diamars, ta splica claramente cu e parti 1 y parti 2, un lider mester tey presente, Arends a reitera.Esey ta loke cu RAIZ a firma p’e. Diahuebs anochi, tur por a tuma nota cu esey no tabata e caso. Algun otro partido no tabata representa door di nan lider, pero door di otro candidatonan.

Esey RAIZ a wordo nenga rotundamente. Diahuebs anochi, nan a haya e sorpresa y a tuma nan decision a base di respet mutuo di abandona e sala.

Arends a sigui splica cu e reglanan cu nan a firma pa nan, pa nan tabata cla y esey ta loke nan a basa nan decision riba dje. Nan ta respeta tur hende y tur comunidad. Manera cu el a expresa tambe, ta carga speranza pa ta e ultimo biaha cu lo organiza un debate pa un comunidad separa, pasobra nos ta un pueblo, un Aruba.

Ta para pa union. Esey ta loke RAIZ ta preach. Esey ta loke nan ta keda para pe y ta spera cu dia 22 di September, mirando cu nan ta representa e voz di mayoria silencioso e voz eynan tambe por rezona! Asina Ursell Arends, Lider di RAIZ, a expresa.

- Advertisement -

DUNA COMENTARIO

Please enter your comment!
Please enter your name here