Razzia na Palm Beach dilanti wowo di miles di turista

    2902
    1
    SHARE
    - Advertisement -

    Hendenan a spat den tur direccion

    ORANJESTAD (AAN): Diaranzon anochi restaurantnan na Palm Beach tabata yen-yen di turista comiendo y disfrutando di e anochi.  Diripiente un rato prome cu 9:00 pm, ata oficialnan di Guarda Nos Costa a yega pa controla negoshinan pa mira si nan tin trahador ilegal.

    Esaki a causa cu diripiente un monton di hende tabata na coremento, gritando, y pasando mey-mey di autonan.  Esaki a causa un susto principalmente cerca turistanan Mericano, cu ta spanta mesora.  Net e mercado turistico aki cu ta sensitivo pa cualkier acto di ‘riot’ a mira loke a pasa dilanti restaurantnan unda nan tabata sinta ta goza.

    Nan a mira con funcionarionan ta gara trahadornan, y hasta hende muher na garganta, y wanta nan duro.  Nan a mira tambe con un muher cu accento Venezolano tabata roga pa nan lage bay, y cu e ta dispuesto pa paga $500.

    Dado momento a mira e muher aki core bay direccion pabao tambe, pues e funcionario a lage bay.  Un rato despues el a keda deteni atrobe net dilanti un Highrise Hotel.  Tin indicacion cu como 11 persona a keda deteni.

    E control ta di aplaudi, pero pa esaki socede net riba e anochi cu tin miles di turista riba caya y den restaurant, ta un tiki controversial y peligroso pa turismo.

    - Advertisement -

    1 COMMENT

    1. pika pe turista nan nan ta trauma kaba ku acto nan di terorista mi tin sigu hopi di nan a spanta sinti nan bida den peliger mal echo di hasi trabow na e manera ei mal propaganda pa nos turismo dimes ja Aruba su turismo nota koi gaba ja ku hopi restaurant ta demasiado kostoso y Aruba tambe nexttime traha mas profesional i ku respect i educashon danki

    DUNA COMENTARIO

    Please enter your comment!
    Please enter your name here