Home General Representante di PAWA Aruba a splica cu pa motibo di seguridad 24...

Representante di PAWA Aruba a splica cu pa motibo di seguridad 24 maleta a keda atras

725
0
SHARE
- Advertisement -

ORANJESTAD (AAN):   Lorena Fuentes, ehecutivo di PAWA, a reacciona riba un articulo relaciona cu un vuelo pa Santo Domingo, Republica Dominicana, Diaranzon cu a pasa, di cual 24 maleta a keda atras na Aruba.

Esaki tin su motibo y Sra. Fuentes a proporciona Matutino DIARIO e informacion oficial, tocante kico a sosode.

El a splica cu Diaranzon el vuelo tabata den su capacidad maximo y nan a bende algun pasashi den lista di spera na pasaheronan cu tabata tin un emergencia familiar na Santo Domingo.

E avion tin un capacidad di 165 pasahero y e dia ey e vuelo a sali cu 151 pasahero, pero asina mes y apesar di a limita e cantidad di maletanan na un pa persona, a keda 24 maleta atras door di peso y balans.

E peso y balans ta haci nan dicidi di laga ekipahe, pasobra e seguridad tanto di e avion como di e pasaheronan pa e empresa, ta primordial.

Nan a laga atras 24 maleta, cualnan a bay cu e siguiente vuelo diahuebs 3.30. Kiermen e pasaheronan no a pasa ni 24 ora sin nan respectivo ekipahe.

Lorena Fuentes a keda masha sorprendi ora el a lesa e publicacion cu nan a keda cinco dia sin maleta, locual no ta berdad. Ademas cu tin famianan completo afecta. E dama mes a realiza e estadistica di e maletanan cu a keda atras, y a keda un pa persona.

Tin pasaheronan cu a check in dos maleta, y un a keda pasobra a wordo check in suheto na espacio. El a agrega cu na e pasaheronan afecta nan maletanan ta wordo manda te nan lugar di residencia na Santo Domingo, of e hotel unda nan ta hospeda.

E condicionnan di peso y balans di e aerolineanan, pasobra no ta PAWA so, ta depende di e clima y cantidad di combustible di e avion, y e dia ey mester a laga maleta atras precisamente debi cu e clima no tabata hopi faborable. E pasaheronan den su totalidad a haya nan 24 maleta diahuebs cu e vuelo di 3.30 pm, e dama a reitera.

Un maleta so parce ta extravia, pero el a sali si for di Aruba y nan ta investigando e caso, wak si tabata tin un problema di douane.

Fuentes a agrega cu esaki tabata e unico dia cu ekipahe di pasaheronan a keda atras, pasobra nan ta haci un control exhaustivo den e counter, y trata di limita e booking di pasaheronan pa no tin e tipo di inconveniente aki. Esaki tabata mas tanto un problema di seguridad cu otro cos.

 

- Advertisement -

DUNA COMENTARIO

Please enter your comment!
Please enter your name here