Home General Rotonde di Bright Bakery ta wordo entrega diabierna awo

Rotonde di Bright Bakery ta wordo entrega diabierna awo

217
0
SHARE
- Advertisement -

ORANJESTAD   (AAN): E futuro rotonde di Piedra Plat ta casi cla. Un area conoci como e crusada di Bright Bakery. Trabaonan ta andando. E ultimo tokenan pa loke ta e laag di asfalt pa esaki keda cla y wordo habri, ta wordo poni door di BIC. Nos a papia cu David Britten, kende a conta con a bay cu e trabaonan y awe, kico e dia di awe ta nifica. Ki parti di trabao esaki ta.

Britten a conta cu BIC, manera priminti, ta poniendo e ultimo toke di loke ta yama e asfalt toplaag. E asfalt mas fini, cu ta e ultimo laag na e rotonde di Bright Bakery.

Tabata tin asfalt caba. Ya di algun siman atras a pone onderlaag, door cu DOW ta exigi pa pone 7 centimeter di asfalt riba tipo di camindanan asina. A pone dos siman pasa e onderlaag pa por seal e fundacion. A cuminsa for di ayera cu e parti manual di asfalta na e banda panort di Bright Bakery. A instala tambe entre ayera cu awe mianta tur e penpallen cu DOW a instrui pa haci y awor aki ta e ultimo toke cu falta, cual ta e toplaag riba e rotonde y tin cuater zijweg for di eynan, bay ariba, cu entre awe y mañan lo caba di asfalta, y asina mañan mainta cuminsa cu belijning y cu preparacion pa habri e caminda diabierna awo, manera cu a bin ta bin bisando.

 

Un trabao completo

E trabao aki ta uno completo. Durante destaho publico, a wordo instrui of den e prijs, pa hinca tambe e parti di embeyecimento, esta klinker, mata, asfalt, bernpallen. Tur e borchinan cu tin cu bin. Ta un trabao completo.

Si cada persona cu pasa eynan bisa cu e ta bunita, e ta asina. E ta lanta e crusada inmensamente. Bo no por kita esey. E ta un trabao cu hopi dedicacion haci. Ta hopi klinker itn pega eynan y awor aki ta e ultimo toke cu tur e matanan ta biniendo na nan luga. Esey ta dun’e un bida tambe.

 

Entregamento di trabao

Dia 4 di Augustus BIC lo entrega e proyecto. Gobierno hunto cu DOW lo dicidi ki dia ta habri e caminda. BIC ta hopi satisfecho y orguyoso cu por ta parti di tipo di trabaonan asina, vooral pa comunidad di Aruba.

 

- Advertisement -

DUNA COMENTARIO

Please enter your comment!
Please enter your name here