Home Deporte Ruson Gonzales e ganador absoluto durante e Calbas Mountain Bike Race

Ruson Gonzales e ganador absoluto durante e Calbas Mountain Bike Race

21
0
SHARE
- Advertisement -

ORANJESTAD (AAN): Diasabra 26 di Augustus a tuma lugar e careda anual di mountain bike na Calbas organiza pa TRI-BIKE Team Aruba. Mainta tempran e muchanan jong a batalla den nan categorianan y varios mucha a mustra cu nan no a perde nan condicion durante vakantie grandi.

Ganadornan den nan categoria tabata  Xavian Rasmijn , Jurvin Gonzales & Silvienne Gonzalez  di Velocity cycling team  &  Naila de Cuba , Christian Jansen,  Victoria  Uribe & Victor Uribe a trece cas nan medalla di oro representando nan club TRI-BIKE Team Aruba.

Fin di atardi a toca turno na e categoria nan Mayor.  Ruson Gonzalez a mustra cu e ta e coredor mas fuerte di MTB actualmente y a sali ganador absoluto di e careda aki. Ruson ta preparando pa e Caribbean MTB championships na Trinidad na October .

Indy van Vliet di solamente 14 anja di edad tabata constantemente na di dos lugar tras di Ruson .Indy a finish dilanti di tur e otro coredornan Elite y Master. El a mustra di ta den gran forma pa asina gana e categoria di Men Sportive  y cu un bon time gap ariba tur e otro  adult riders nan cu tambe a core 3 vuelta ariba e circuito exigente.

Michelle van Vliet cu a logra un medaya di brons na e careda COPA AMERICA na Peru 4 siman pasa a gana e categoria di Damas. E tabata core cu un pace fuerte  su 3 vuelta nan  pa asina yega finish cu un bon  placing overall  meymey di e coredornan Masculino .

Reegel Winklaar cu a competi y train full e ultimo luna ariba su road bike  na Hulanda tambe a mustra  cu e ta domina su MTB ainda. E tabata forma  parti di e seleccion di Ciclismo pa e weganan hubenil di Odesur  hunto cu Indy & Michelle van Vliet. E Pre-Juniors nan aki a bolbe mustra cu nan lo por a competi fuerte na e weganan hubenil Odesur na Chili cu lo tuma lugar September y October e aña aki. Lamentablemente COA no ta duna nan e chens aki.

CALBAS MTB RACE 2017 ALL ADULTS RESULTS RESULTS KIDS I CALBAS RACE RESULTS KIDS II CALBAS RACE RESULTS KIDS III CALBAS RACE RESULTS KIDS IV CALBAS RACE

- Advertisement -

DUNA COMENTARIO

Please enter your comment!
Please enter your name here