Home General Segun central di polis: Ley di Cacho tey pero no tin personal...

Segun central di polis: Ley di Cacho tey pero no tin personal ni material pa traha cune

44
0
SHARE
- Advertisement -

ORANJESTAD (AAN) – E problema di cacho di caya cu ta cana malo practicamente den tur bario y den nos ciudad, no ta parce di tin un solucion, y obviamente e tan afama Ley di Cacho no ta funciona.

Yen di fanfare y publicidad gobierno a bin informa algun tempo atras, riba e Ley di Cacho, pero seguidamente tin un, di e tantisimo ehemplo, cu ta mustra cu ta por nada a traha un ley.

SITUACIO PENOSO:

Den un bario den e Distrito di Santa Cruz a surgi un situacion penoso Diasabra cu a pasa, unda cu un cacho den masha mal estado fisico, a bay drumi dilanti un cas di famia, unda tin mucha chikito.

E animal tabata completamente yen di carpata cu a cuminza sali for di su curpa inunda full e porta pafo di e cas (e porta di entrada), e pida balcon, y tiki hardin cu e famia tin y ta cuida hopi. Na dado momento a ripara cu te paden di cas tin carpata.

Nan a purba di move e cacho pero no tabata por. Ta cu ayuda di un bisiña a logra move e animal pa e famia por a haci limpi. Un holo masha desagradable a pesta e area. Esey a sosode mainta y te anochi ainda e holo tabata tey. Bisiña a yuda tira awa cu creolin riba muraya di cas y riba tera, mientras cu paden a basha hasta clorox. Un cos ta papia y otro cos ta pasa aden di un situacion asina.

LEY DI CACHO?

E famia concerni a yama central di polis pa puntra ta ken ta e polis di bario cu ta atende cu e distrito, y a splike e di con. E polis cu a tuma e yamada no sa ta ken ta e polis di bario, pero a mustra tog cu nada e lo por a haci, cu ta e famia mes mester lanta e cacho for di caya, hinke den e auto y hibe e lugar unda nan ta tuma cacho.

Ta ken cu tin mucha chikito den cas por hinca den nan auto familiar un cacho plama cu carpata y cu sarna? E polis aki lo a haci algo asina cu tabata cune esaki a sosode?

Well, well. Incluso el a laga sa cu e Ley di Cacho tey, pero e no ta funciona. No tin personal ni material pa traha cune!!

E INSTANCIA?

E famia a haya un number di telefon for di otro persona, den cual supuestamente ta brinda ayudo den casonan asina. Nan a haya y un señora a tuma e yamada pero a bisa cu ta nan mes mester busca un haula pa trece e cacho pero no riba diasabra pasobra nan ta cera! Kiermen ora situacionnan asina ta presenta den fin di siman, no tin manera pa haya ayudo.

E tambe a reitera cu e LEY DI CACHO NO TA FUNCIONA!!!

ESUN CU A BIN CU E LEY:

Un parlamentario cu ta perfila su mes como defensor di nos medio ambiente, flora y fauna a bin cu e iniciativa di ley di cacho. Un ley cu a pasa cu yen di fanfare manera hopi otro cos, pero e ley no a percura pa un presupuesto pa lanta un instancia cu personal y material pa traha, anto tanto bal! Mientras tanto cantidad di cacho di caya ta cana rond den tur bario, cachonan cu por tin doño pero ni un hende den e bario sa ken e ta, of cu simplemente e doñonan a abandona nan y a laga nan pa nan cuenta, drenta aki y aya y trece molester pa comunidad.

 

- Advertisement -

DUNA COMENTARIO

Please enter your comment!
Please enter your name here