ORANJESTAD (AAN): Pa nos leynan electoral, tur partido politico cu no tin representacion den Parlamento, lo mester reuni un gran cantidad di firma, pa nan por participa den eleccion di Staten.
Dialuna mainta a papia cu lider di partido CURPA, Christina Lampe cu ta splica cu dia di entrega di lista a bay y awo kier pa pueblo dunanan e sosten pa cu e 578 firma cu nan mester haya pa por participa den eleccion.
Lampe a felicita e organisadornan di Electorale Raad pa e organisacion di diabierna ultimo durante entregamento di lista. Tambe el a bisa cu tur hende tabata contento y e expectativa pa e dia di eleccion ta hopi grandi. E reto mas grandi di CURPA ta pa nan logra cera cantidad di firma necesario pa por participa na eleccion di September 2017.
Partido CURPA lo a bay ta e diferencia den e proximo gobernacion y pa cual Sra. Lampe, lider di partido a haci un yamada na tur nan sostenedonan, simpatisadonan y publico en general pa bin duna nan sosten pa partido CURPA, pa asina sigura nan participacion na e proximo eleccion.
