Home Economia Segun Minister Bermudez: Presupuesto a bay Directie Financien y ta den...

Segun Minister Bermudez: Presupuesto a bay Directie Financien y ta den su fase final

47
0
SHARE
- Advertisement -

ORANJESTAD (AAN): Nos ta na luna di Augustus y si ta bon, un bon Gobierno ta entrega su presupuesto dia 1 di September, 2017. Segun minister di finansas, Angel Bermudez a menciona cu ainda e presupuesto no ta cla ainda, pero ta den su fase final na Directie Financien. Cierto momento door di e capacidad limita cu tin eynan, ta bin cu cierto prioridadnan. A caba cu cuenta anual di 2016 y a entrega esaki na Contraloria General.

Awor aki nan ta trahando duro pa haya raportahe di e di dos kwartaal cu mester wordo publica otro siman. Ta spera cu pa diabierna awo por tin’e den fin siman revise y pa dialuna of diamars, entreg’e tanto na parlamento como na e colegio di supervision. E ora nan lo por pone e man final na presupuesto 2018 y entrege mas pronto posibel. Sa cu e ta den fase final y sa cu ta haciendo deliberacionnan cu e diferente coordinadornan y departamentonan concerni. E mandatario ta spera cu pa otro siman por tin un concepto caba di e presupuesto 2018.

 

Dia di entrega

E minister kier entrega e presupuesto mas lihe posibel. Aña pasa a logra entrega e partinan esencial di henter e trayecto presupuestal cu ta un posibel supletorio pero tambe e cuenta anual na tempo y e aña aki tambe kier manten’e e procedura eynan.

A entrega e cuenta anual caba. Awor aki ta cabando e raportahe di e dos kwartaalnan di e aña aki y tambe kier entrega mas lihe posibel e presupuesto 2018, pa asina prome cu fin di aña tur ta formalisa pa nos Parlamento.

 

Loke mester tene cuenta cun’e

Segun Bermudez, tin un parti cu ta e parti di mas grandi di obligacionnan cu ta structural. Bo payroll, bo gastonan di edificio, di alohacion, etc. Eseynan ta gastonan cu ta sigui core door di añanan, a base di contractonan cu tin y tambe di otro obligacionnan cu tin por ehempel cu e fundacionnan social, etc.

E parti cu ta mas di maneho caminda cu un Gabinete ta yena esey cu a base di programa di maneho cu e tin, e intencion di e minister ta pa lag’e habri, mirando cu otro luna tin eleccion y ta na su luga cu e Gobierno cu sinta despues di e eleccion, en todo caso, e ora eynan tin e prerogativa pa yena y ahusta e presupuesto 2018, a base di e programa di maneho cu nan lo bin cun’e pa e siguiente 4 aña. Ta bay haya basicamente un asina yama Beleidsarme Begroting.

 

- Advertisement -

DUNA COMENTARIO

Please enter your comment!
Please enter your name here