Home General Servicionan den hospital nobo ta bay inclui entre otro ponemento di stent...

Servicionan den hospital nobo ta bay inclui entre otro ponemento di stent pa scapa curazon

168
0
SHARE
- Advertisement -

ORANJESTAD   (AAN): Durante e Open House di edificio nobo di hospital, DIARIO a puntra Minister di Salubridad Alex Schwengle si awor cu e edificio ta cla, ta bay tin tambe mas servicionan medico tumando lugar, cu ta bay yuda baha e cantidad di pacient cu tin cu viaha pa exterior pa busca nan salud.

E mandatario a splica cu un parti di esaki a wordo realiza caba.

“Tin tres sector cu nos ta trahando riba dje, esta ‘Oogheelkunde’, Oncologia y Cardiologia”.

“Pa loke ta Oogheelkunde nos no tabata tin e experticio pa duna inyeccionnan den wowo, pero awor si nos mes ta haciendo esaki y esaki ta spaar Aruba 400.000 florin, pero ainda falta”.

“Pa loke ta Cardiologia, nos ta bay traha dos camber di caterizacion, unda cu nos ta bay hasi na Aruba mes, locual ta wordo yama ‘interventie cardiology “.

“Esey ta nifica literalmente cu  ta bay drenta e coronarianan  ora un hende haya un infarto y nan ta hinca un stand, pa scapa e curazon”.

Esaki segun e mandatario, kende a sigui bisa cu e ora ey no ta bay ta necesario mas pa e pacient bay afo.

E hecho aki ta bay corta gastonan medico cu 1 pa 2 miyon florin pa aña por lo menos.

Pa loke ta Oncologia unda cu radio-terapia ta wordo uza, esaki ta bay tuma lugar na Imsan na San Nicolas.

“Ora cu radio-terapia cuminza wordo hasi na Aruba, nos no ta bay spaar placa, pero e placa cu ta mas o menos 10 miyon florin, ta bay keda na Aruba mes”.

Esaki segun Schwengle kende  a indica cu e hecho cu e placa ta keda Aruba ta bon pa nos economia y mas trabao ta bay wordo crea tambe.

- Advertisement -

DUNA COMENTARIO

Please enter your comment!
Please enter your name here