Home Social SETAR a haci donacion di tasnan di scol na Fundacion Creciendo

SETAR a haci donacion di tasnan di scol na Fundacion Creciendo

15
0
SHARE
- Advertisement -

ORANJESTAD     (AAN):   Roxana Ras hefe di Mercadeo di SETAR a haci entrega di 100 tas di scol na Joasy van der Biest representante di e Fundacion Creciendo. Como cu vakantie ta casi full trai lomba y aña escolar ta den cuminsa, SETAR a pensa riba duna un man na e proyecto bunita aki di Fundacion Creciendo.

Fundacion creciendo a wordo funda cu e meta pa yuda muchanan cu problemanan psycho-social y social economico cu terapianan creativo.  “Nos ta convenci cu si e MUCHA wordo exponí na cosnan positivo manera arte, esaki ta yud’e haya balor di su propio talentonan.”, asina Joasy van der Biest a expresa.

El a sigui bisa:  “Pa e último 4 añanan a yuda mas di 300 mucha pa aña. E aña aki nos ta super contento cu nos por yuda mas mucha ainda y e biaha aki cu ayudo di SETAR kende ta yudando 100 mucha haya tas pa cuminsa scol”.

SETAR durante henter aña ta contribui den e comunidad cu varios actividad y proyecto cu varios organizacion yfundacion. Por ehempel celebracionnan cultural, den deporte, den arte, den educacion, den infrastructura di scolnan y mucho mas.

Otro proyectonan cu SETAR a yega di bin cu ne ta competencia di arte di re-cyclahe, competencia di pintamento y otro actividadnan pa hobennan manera SETAR Tech Kamp. Tin di menciona tambe e competencianan den cual scolnan rond di Aruba ta participa pa gana premionan den forma di computers, of equipo cu e scol tin mester.

Actualmente ta andando e competencia di e covernan di Telefonnan Cellular. Nos hobennan por a decora e covernan di Telefon Celular pa por gana premio y na final e obranan lo bai den un exposición pa henter e pueblo di Aruba por admira nan tambe.

SETAR ta desea tur studiante un aña escolar exitoso. Alabes un y tur ta keda invita pa pasa apoya y mira e obranan artístico riba e covernan di Telefon dianan 16, 17 y 18 di augustus na Willem III Toren di 5 pa 7 pm.

 

- Advertisement -

DUNA COMENTARIO

Please enter your comment!
Please enter your name here