Home General Sharin Luidens director ta splica pakico firmanan di sosten ta sosode den...

Sharin Luidens director ta splica pakico firmanan di sosten ta sosode den Censo

103
0
SHARE
- Advertisement -

ORANJESTAD (AAN) – Durante un entrevista cu Matutino DIARIO, sra. Sharin Luidens, director di Censo, a duna un splicacion relaciona cu e desaroyonan rond di e prome  firmamanan pa sostene un lista politico, pa por participa den e contienda electoral.

E dama a menciona cu esaki ta un proceso pisa ya cu e ta tuma for di 9’or di mainta te cu 8.30’or di anochi pa un siman largo. Pero asina mes, tur cos ta bayendo sumamente tranki.

No obstante, tin dos partido cu ainda mester logra cera nan lista pa nan por pasa pa eleccion 2017. E dos partidonan aki tin te cu diamars anochi 8.30 pa cumpli cu esaki. Ley di Eleccion, ley di Kiesverordering, tur e stapnan ta masha duidelijk, sra. Luidens a subraya.

El a elabora riba e ponencia di partido ABO, cu ta na un solo luga so e personanan mester bin pa firma, y cu hendenan di San Nicolas no tin transporte y cu esey ta un sorto di discriminacion.

Al respecto, director di Censo a splica cu ni Censo ni Conseho Nacional Electoral no ta un organo Legislativo pa por por cambia ley.

“Segun estudionan haci, na Aruba un 80% di hendenan tin social media, e ta e miho manera pa por acerca personanan pa sostene un lista. Mester corda e pakico e meta tras di e sosten di lista. Ta pasobra pa eleccion ta costa hopi placa. Pa bo bay eleccion bo mester tin e sosten di sikiera 1% di e votonan valido di e eleccion anterior” sra. Sharine Luidens a expresa, alavez cu e ta desea tur hende lo miho y pa e partidonan cu ainda falta, exito pa nan cera nan sosten di firma.

Motibo pakico e firmanan di sosten di lista ta tuma luga na Censo, ta por controla si:

E persona cu ta bin firma e lista, tin e derecho di voto, esey ta Censo por haci’e, pasobra Censo tin e registro ey na alcance digital.

Nan mester registra tambe, cu un persona a bin firma, pasobra e no mag di bin firma pa un otro lista. Esey kiermen un persona por firma solamente pa sostene un lista. Si nan a haya cu hendenan a purba di firma dos lista, door cu Censo tine regisra, nan ta stop esaki.

Sra. Luidens a menciona cu por haci diferente quiznan. Na Curacao, por ehemplo, practicamente nan no kier yame voorverkiezing.

Eynan tambe nan tin e sosten di e lista, pero esey ta sosode cu nan ta habri cuater urna, y nan ta bay cu e sistema digital di e urna y nan ta wak si e persona tin derecho di voto. Bo ta haya un style di stembiljet y bo ta tir’e den un stembus. Despues di dos dia e stembus ta cera. Pero e partidonan no sa si nan a haya e sosten. Tur esaki ta parti di e proceso democratico. Tambe ta asina cu Aruba conoce den su constitucion, Capitulo 3, articulo 49 di Kiesverordering, e secreto di voto. Pero e sosten di partido no ta secreto.

“Cu bo ta sostene un partido cu bo firma, no necesariamente esey kiermen cu riba dia di eleccion bo ta bay vota pa e partido en cuestion” director di Censo, sra. Sharine Luidenes, a conclui.

 

- Advertisement -

DUNA COMENTARIO

Please enter your comment!
Please enter your name here