Home Salud Sobrepeso y obesidad ta causa mas mortalidad cu e caso di menos...

Sobrepeso y obesidad ta causa mas mortalidad cu e caso di menos peso cu normal

46
0
SHARE
- Advertisement -

Segun OMS, na nivel mundial:

ORANJESTAD (AAN) – Siguiendo cu e informe publica pa e Organizacion Mundial di Salud (OMS), tocante duplicacion di e cantidad di casonan di obesidad na mundo, otro motibo di preocupacion ta cu na 2014, segun calculacion, 41 miyon di mucha menor di cinco aña ya tabata obeso of cuanto menos, cu sobrepeso.

Antes, e situacion di sobrepeso y obesidad tabata wordo mira como un problema tipico di paisnan cu halto nivel di bida, esta ingresonan halto. Pero awendia, e cifranan di sobrepeso y obesidad ta crece den paisnan di menos recurso, of ingresonan medio, y mas tanto den areanan urbano.

Ta indica e informe cu na Africa, por ehemplo, tur dos condicion a duplica di 5.4 miyon na 1990 na 10.6 miyon na 2014. Den e mesun aña, a keda registra cu un average di mitad di e cantidad di muchanan menor di cinco aña cu sobrepeso y obesidad ta biba na ASIA.

Na nivel mundial, sobrepeso y obesidad ta vincula na un margen mayor di mortalidad cu den caso di insuficiencia di peso. Den termino general, tin mas hende cu sobrepeso y obeso cu esnan cu ta pisa menos cu normal.

Esaki ta sosode den tur region, cu excepcion di Africa subsahariana y Asia.

Kico ta e causanan di sobrepeso y obesidad? Den otro articulo por sigui lesa al respecto.

Medidanan den cierto aerolineanan:

OMS tambe ta apunta como un di e consecuencianan di obesidad mas tanto, ta cu cierto aerolineanan ta tumando medida riba pasaheronan cu ta presenta e condicion aki.

Esaki pa motibo cu e asientonan di avion ya no ta funciona pa tur tipo di pasahero. Segun e informe, tin pasaheronan cu hasta a lanta caso contra un aerolinea Italiano pasobra a tuma represalia contra dje debi na su peso.

E pasahero a wordo obliga na keda para 9 ora entre e Ciudad del Cabo y Dubai y tin rato nan a pone sinta den e asientonan reserva pa e tripulacion.

Ta asina si cu e defensornan di e derechonan di e pasaheronan ta argumenta cu mayoria di e aerolineanan no por acomoda e pasaheronan segun nan estructura fisica mientras cu tur hende tin derecho di bula den avion. Y cu esaki ta conta pa tur persona cu nan diferencia di forma y estatura, y no ta usual cu cualkier tipo di asiento ta proporciona un experiencia comodo y agradable na tur viahero.

 

 

- Advertisement -

DUNA COMENTARIO

Please enter your comment!
Please enter your name here