Home Social Starbucks a organisa coffee-tasting y book signing event

Starbucks a organisa coffee-tasting y book signing event

24
0
SHARE
- Advertisement -

ORANJESTAD(AAN)– Diasabra, Augustus 12, 2017 Starbucks localisa na Aruba Marriott Resort a tene su prome evento oficial di coffee tasting y book signing.

Pa prome biaha Starbucks na Aruba ta partner up cu un escritor local pa un evento di coffee tasting. E escritora conoci den media local y internacional, Sra. Rona Coster tabata invita pa asina por conta un tiki mas di su buki nobo jama Island Life, Aruba’s Best Kept Diary y alavez firma esaki pa e bishitantenan cu a pasa cumpra un copia.

E buki di 200 pagina a wordo publica en coneccion y celebracion cu Rona su 25 aña di aniversario como columnista na Aruba.

E clientenan cu a bishita Starbucks na Aruba Marriott Resort por a disfruta di diferente muestranan incluyendo Kitamu coffee cu ta un mezcla di coffee special di Africa y tres diferente sabor di Green Iced Tea Lemonade incluyendo peach, mango y strawberry. Pa complimenta e coffee y Green Iced Tea Lemonade, tabata tin un caramel-dipped shortbread y tambe un citrus cake super refrescante.

Durante di e evento, diferente bishitantenan a bini pa asina disfruta di un rato ameno hunto cu Rona incluyendo turista y localnan cu ta lesa Rona su columna y articulonan pa hopi aña. E buki nobo aki ta revela diferente hechonan y ta duna un bista ariba Aruba su historia, cultura, héroenan y diferente personalidadnan cu ta conoci den e areanan ariba menciona.

Rona Coster su carera a inicia na Aruba como Marketing Executive y a produci diferente columnanan for di 1992 te cu 2015, y cu awor a bira un pagina online. Na 2004, Rona a ricibi e Journalism CTC Award for di Caribbean Tourism Organization pa su contribucion y logronan remarcabel den journalismo. Rona ta e creador di 8 AM Buzz/ Bati Bleki, cu ta un columna diario ariba Facebook y tambe obtenibel como un App ariba iPhone y Android bou di e nomber Bati Bleki.

“Esaki ta prome biaha cu nos ta hasi un book signing event na Starbucks localisa den nos lobby na Aruba Marriott Resort & Stellaris Casino”, ta locual Marketing Communications Manager, Stacey Banfield a remarca.

“Nos a pensa cu e combinacion di un coffee tasting y book signing ta uno ideal pa asina invita local y turistanan pa bishita Starbucks y alavez conoce Rona Coster cu ta un escritora conoci na Aruba y den media. Mi ta hopi satisfecho cu e prome evento aki y sigur cu nos lo hasi mas eventonan asina den futuro”.

- Advertisement -

DUNA COMENTARIO

Please enter your comment!
Please enter your name here