Streetcar di Aruba a haya promocion grandi den US Today

    434
    0
    SHARE
    - Advertisement -

    ORANJESTAD(AAN)–  – Aruba a haya un tremendo promocion den e corant US Today, den un articulo cu ta papia di e 10 sistemanan di tram mas atractivo di mundo.  E articulo titula “10 Great Streetcars, Trams and Funiculars” ta uno sindica, cual ta nifica cu e ta aparece tambe tin diferente otro publicacion Mericano cu ta cumpra esaki.

    Na momento cu Gabinete Mike Eman I a sinta na 2009 su prioridad tabata renobacion y revitalicion di centro di ciudad. E pregunta grandi tabata con pa haci centro di ciudad atractivo y atrae e turista te na final di caya. Den e plan aki a inclui construccion di un sistema di streetcar cu mientrastanto a bira masha popular bou di turista y localnan. Awo e sistema aki a haya un tremendo promocion den un articulo den US Today unda cu ta papia di e 10 sistemanan mas atractivo di mundo.

    Nan ta splica cu e sistemanan di transito aki no ta solamente un forma di transporte atractivo y cu pa Sam Schwartz, un consultant di GridlockSam.com., e ta crea un sistema di romanticismo.

    E lista di e 10 streetcar of tramnan mas atractivo di mundo cu ta wordo menciona ta:

    • Los Angeles cu tin un sistema di “funicular”. E ta un linea di 116 aña bieu cu tin 3 aña cera pero ta bou renobacion y mester bay den funcion na inicio di september.
    • Pittsburgh: un tempo nan tabata sede di mas cu un dozijn di diferente linea di “funiculars” y a wordo construi tempo di e “boom” pa sirbi e trahadornan di sector di hero;
    • Lisabon, construi rond di shete cero, tin diferente opcion pa biaheronan, entre otro conexion entre dos distrito;
    • F-Market & Wharves Line, San Francisco, bo por biaha rond mundo na San Francisco, den streetcarnan cu un tempo a wordo usa na Europa, Asia y Australia, prome cu nan a wordo manda California.
    • 34th Street-Hudson Yards Elevator New York. E estilo “funicular” a wordo agrega na e linea 7 di un parada nobo di subway tres aña pasa. Por biaha tanto vertical como horizontalmente na mesun momento.
    • Islanan Caribe tipicamente ta wordo asocia cu barconan crucero, pero no transito urbano, cu ta haci e linea aki manera un sorpresa. “E ta un streetcar unda menos bo ta spera. E “juxtaposition” ta intriga e hendenan. E ta agradabel pa e bishitantenan, conectando e haf cu e capital Oranjestad. E linea gratis ta inclui un double-decker.
    • Charles Streetcar Line New Orleans. Nan tin e sistema di streetcar mas bieu den operacion. E vehiculonan anticua ainda ta briya cu e asientonan mahogany, y tin luz den e dak. Turistanan ta gusta e línea aki cu ta conecta French Quarter y conecta cu Garden District y Audubon Park.
    • Jerusalem Light Rail Israel. Biaha rond di e ciudad antiguo di Jerusalem a bira mas facil 6 aña pasa ora cu e area metropolitano a habri un sistema di transito moderno.
    • Trambaix Barcelona. Europa tin hopi sistema di streetcar, pero e railnan ta loke a haci e linea aki special, segun Schwartz. Algun seccion ta pasa den yerba verde. E ta wordo mantene mescos cu un cancha di baseball
    • Gurten Funicular Bern, Suiza. Den un pais construi rond e ceronan di Alpen, no ta dificil pa haya un sistema “funicular”. Pero esun cu tin den e ceronan di Gurten, cu bista riba e capital di e pais, ta sobresali. E vehiculonan cora briyante ta subi casi 3500 pia. E ta parce un “roller coaster”.

     

     

     

     

    - Advertisement -

    DUNA COMENTARIO

    Please enter your comment!
    Please enter your name here