Home Deporte SV Bubali a yama Veron Albertsz Bon Bini como Director Tecnico nobo

SV Bubali a yama Veron Albertsz Bon Bini como Director Tecnico nobo

91
0
SHARE
- Advertisement -

ORANJESTAD (AAN): Dialuna atardi den un ceno masha ameno, directiva di Bubali Sport Club a tene un conferencia di prensa pa asina comparti un bomb cu e miembronan di prensa y alaves e invitadonan cu tabata presente. Diario Deportivo tambe tabata presente na Clubhuis di Bubali pa asina nos no perde e anuncio, mirando cu den gang tabata circula algun rumores, pero nada confirma. Na momento cu e conferencia di prensa a inicia y a cana su rumbo, varios persona presente no por a kere locual cu nan tabata wak. Mey mey di e dirigentenan di Bubali Soprt Club, tabata tin Veron Albertsz cu Aruba conoce como e Director Tecnico di SV RCA. Well, laga Diario Deportivo bisa cu e tabata EX Director Tecnico, pasobra oficialmente SR. Veron Albertsz a bisa AYOOO na SV RCA y a uni su mes cu SV Bubali. Sigur e noticia aki a cay manera un bomb, pasobra niun hende no a spera esaki. Sr. Veron Albertsz a splica cu esaki tabata un deseo di su tata y e kier a cumpli cu e deseo aki. Alaves esaki ta un reto mirando cu su persona kier trece e titulo di campeon bek cas pa SV Bubali pa locual cu ta trata Division Honor. Diario Deportivo kier a desea Veron Albertsz tur clase di exito den su famia nobo y como Director Tecnico di SV Bubali. Potret pa cortesia di 297 Sports.

- Advertisement -

DUNA COMENTARIO

Please enter your comment!
Please enter your name here