- Advertisement -
ORANJESTAD (AAN): Un biaha mas, temblor ta keda registra den e mesun area, unda na comienzo di luna di Maart, un monton a keda sinti.
Ta e pida area di lama net pariba di Cabo San Roman, cu na Maart tabatin varios temblor tras di otro, y a hasta preocupa pueblo di Aruba.
Diahuebs madruga pa 2:39 am, atrobe un sismo a wordo sinti.
Esaki tabata uno leve, y a registra solamente 3,5º riba Scala di Richter.
Su posicion tabata 12.10º Nort y 69.64º West. Esaki ta como 45 kilometer zuidoost di San Nicolas. E ta igual cu 63 km leu di Oranjestad.
E epicentro tabata na un profunidad di 22 kilometer.
Na Aruba, ningun yamada a drenta na autoridad encuanto daño, mucho menos di heridos.
- Advertisement -
