Home Politica Tin lugar pa mehoracion den husticia, asina mes e comunidad ta sinti...

Tin lugar pa mehoracion den husticia, asina mes e comunidad ta sinti nan mes sigur

20
0
SHARE
- Advertisement -

Candidato di AVP Eduard S. Vos:

Problemanan cu tin ta den social y mayornan mester wordo guia

ORANJESTAD, Candidato di AVP Eduard (Edu) Vos a traha den Corte pa varios aña y tin conocemento den e rango di husticia. Na e momentonan aki ta teniendo bishita cas pa cas y ta topa cu hendenan cu ta bisa pa loke ta e parti di husticia, nan no ta pone esaki como algo importante. Tur esaki ta bin pa motibo cu nan ta sinti nan mes sigur.

Diferente persona a bisa Eduard Vos cu nan ta mira esaki mas cu ta un problema social y no di husticia. Den e parti social e mayornan mester wordo guia mas. Hopi di e echonan cu ta wordo haci contra ley, ta bin door di muchanan menor di edad. Nan ta weita cu den e parti social mester haci mas pa asina duna e mayornan e guia. Asina aki ta duna e menornan di edad e guia necesario. Tambe por wordo mira cu e muchanan aki falta di e atencion, e cariño, e guia. Si pak aan esey, e cifra di criminalidad den muchanan menor ta baha mas.

Loke e personanan aki kier mira ta mas inversion den e parti di crea mas tereno pa personanan por traha mas cas. Bin cu casnan social pa esnan cu no por financia cas y esaki ta puntonan cu hopi a trece dilanti durante e bishita di Eduard Vos. Tambe nan kier mira mas control den e parti laboral, pasobra hopi cos ta pasando y no ta bay a base di ley.

Un persona a splica Vos cu cada 6 luna e mester cambia di trabou di siguridad na hotel y e motibo cu e ta wordo duna ta paso e no por domina e idioma di Ingles. Y esaki ta un situacion fastioso pa e persona pasobra ya caba e ta pasando aden cu 3 hotel. Esaki ta pone cu mester bin cu control mas efectivo y controlnan consistente, pero no controlnan leu aleu. Esaki den ley ta algo cu no ta aceptabel. E dos puntonan aki ta loke cu hopi a wordo treci padilanti durante e bishitanan cu Eduard Vos a haci. Tur esaki tin di haber cu mester keda educa e pueblo.

Tin hopi cos cu ta pasa cu mester drecha, pero pa haci esaki mester cuminsa cu e parti social. Aworaki Cuerpo Policial ta resolve casonan y ta papiado mas di 80%, pero un polis t’ey pe parti di siguridad pero nan no por drecha esaki si e mesun muchanan ta kibra ley. E rate di casonan cu aki na Aruba ta wordo resolvi ta esun di mas halto den Reino Hulandes.

Mi ta kere cu ta bon pa bay bek den e parti di comunica, pasobra antes tabatin programa semanal di polis unda tabata duna diferente informacion. Tipo di programa asina aki mester trece bek, unda polis ta informa pueblo con ta trahando pe parti di trafico, e parti preventivo con un hende por haci su propiedad sigur, duna diferente tip.

Un idea ta bon cu lo por duna informacion sea hunto cu Ministerio Publico riba casonan cu a shock comunidad, pasobra hopi biaha ta bin dilanti cu casonan pero despues no ta tende di nan mas. Esaki ta pone cu hende ta kere cu e caso a muri, pero esey no ta asina.

Ta bon pa duna informacion di e caso y kico tur a pasa y e sentencia. Hopi biaha ta tende cu ta tira esun cu a kibra ley na KIA y laga nan tira eyden. Tur departamento tin un departamento di PR, dus nan por bin dilanti y splica comunidad con e caso a bay. Pe motibo aki lo ta bon pa bin cu e programanan di conscientisacion, pasobra no ta tur caso ta termina cu un resultado negativo pero tambe tin esnan cu a termina cu resultado positivo.

 

- Advertisement -

DUNA COMENTARIO

Please enter your comment!
Please enter your name here