Home Social Tremendo Festival Ranchera Infantil, Pre Hubenil y Hubenil den Cas di Cultura

Tremendo Festival Ranchera Infantil, Pre Hubenil y Hubenil den Cas di Cultura

122
0
SHARE
- Advertisement -

ORANJESTAD (AAN) —-Diadomingo anochi a tuma lugar e Festival Mejicano pa e categorianan di Infantil, Pre Hubenil y Hubenil.

E anochi riba su mes tabata uno hopi bunita hinca den otro y Marachi Perla di Aruba a percura pa acompaña tur e participantenan y sin por laga afo e invitadonan special cu tabata den persona nan Sra Rachel Kraaijvanger,  Francis Jacobs, Oslin Trimon kende nan a ricibi un bunita plaquette di parti di Comision y Fundacion Artistar pa nan aportacion na e Festivalnan teni den pasado y muy espacial cu nan participacion na diferente festival di Ranchera.

Mariachi Perla di Aruba tambe a acompana Gisela Trimon cu a deleita esnan presente cu su cancion “Se me olvido otro vez.” Porcierto algo cu no tabata riba e programa, tabata e parti caminda e MC den persona di Sra Esmeralda Tromp, a wordo treci dilanti pa e grupo cu a wordo reconoci y a canta un bunita cancion ranchera pa e publico presente.

Pa loke ta trata e actuacion di e participantenan mes, esaki tabata di un nivel admirable y bon hinca den otro. Por a sinti con e emocion tabata crece den cada participante y te hasta por a mira di e cantantenan cu no por a wanta mas e emocion y cu lagrima coriendo na cara, tabata mustra e profundo di  e sentimiento cu e cancion tabata tin cune. DIARIO despues ta trece e resultadonan complete pa tur nos lectornan.

- Advertisement -

DUNA COMENTARIO

Please enter your comment!
Please enter your name here