Home Deporte Tremendo Gala Di Muay Thai Di Boss Of The Ring #4 organiza...

Tremendo Gala Di Muay Thai Di Boss Of The Ring #4 organiza Pa Rygell Boye Tremendo

302
0
SHARE
- Advertisement -

ORANJESTAD (AAN): Diabierna a tuma luga e tan espera Muay Thai gala Boss Of The Ring #4. Nos por bisa e tabata un anochi hopi bon y cu hopi atencion. Pelea pa pelea caminda publico por a goza sigur di tur e peleanan di cuminsamento te final tanto di damas y cabayero nan. Tremendo peleanan hinca den otro un tras otro y manera e organizador a priminti 17 tremendo pelea. Nos por bisa cu esun cu a resalta mas ta Suriname y vooral esunnan di hende muhe. Mester menciona cu e atletanan hende muhe ta hasiendo dia pa dia mas furor den e deporte di arte martial na Aruba y rond mundo y esaki nos por a ripara tambe e anochi di Boss Of The Ring #4.  Un palabra di pabien pa Rygell pa e bon trabou. No ta por nada e la sali un di e hoben talentoso di Aruba diadomingo siman pasa. Un biaha mas Rygell pa bien y tambe na bo organisacion cu ta bo tras.

Den combersacion cu Rygell mes e kier a duna un palabra di gradicimento masha grandi na su mama cu ta tin hopi pasenshi mes cune y por bisa cu sin guia hopi cosnan lo no a bay, pero danki na e guia sigur y na tur otronan cu di un of otro manera tambe a sa di yudami pa asina esaki por a bira un success. Danki na M.T.K.A. cu ta e bond oficial na Aruba pa Muay Thai y na tur e referee nan cu a haci un bon y tremendo trabou y tambe na Ino Alberga como referee international cu tambe tabata presente. Un palabra di danki na tur cu hasi e evento posibel di Boss of The Ring#4

Awe Diario Deportivo ta presenta e resultado completo pa locual ta trata Boss Of The Ring #4

Anthony kock vs Fabian Huaman:  Ganador: Anthony Kock

Juan Huaman vs Alejandro Croes: Ganador Alejandro Croes

Zion Tromp vs Felipe Villamizar: Ganador Felipe Villamizar

Enrique de Cuba vs Marvin Silvania: Ganador Marvin Silvania

Lucianna Centeno  vs Arvice Dijkhoff: Ganador Lucianna Centeno

Leonardo Philipe vs Andy Atomany: Ganador Andy Atomany

Victor Layo vs Frangely Vargas: Ganador Frangely Vargas

Clayton Raven vs Manuel Gonzales: Ganador a bay pa Clayton.Raven pa T.K.O

Otro pelea cu a bay na T.K.O.ta Sharickson Eisden vs Santiago Reyes: Ganadoor Sharickson Eisden

Pelea di titulo enter Bruniniel Kruiythoff vsYiniger Borgers: Ganador Yiniger Borgers

Jethro St.Fleur vs Tomas Chaverra: Ganador y un tremendo pelea a bay pa J.st.fleur

Duwayne Chirino vs Devon Ducan pelea aki tabata pa titulo di Aruba den peso pisa. Ganador a resulta Devon Ducan . Resultado di e main event pelea principal cu a bay entre Shawn Koolman  vs Giovano van Rabenswaay: Ganador di e titulo aki a bay pa Giovano.van Rabenswaay.

Mester menciona cu e pelea aki no tabata facil pa e referee. E peleanan tabata riba un nivel hopi halto e anochi. 2 plakat a wordo entrega na 2 baluarte cu a hasi hopi pa boxeo y deporte na Aruba cu a keda den persona di Sr. Efi Croes y Crehes Semeler. Di parti Diario Deportivo, nos kier a extende palabra di pabien pa Rygell y su team completo cu a sa di organiza un tremendo evento.

- Advertisement -

DUNA COMENTARIO

Please enter your comment!
Please enter your name here