Home General Tripulantenan di varios boto local mester a paga miles di dollar pa...

Tripulantenan di varios boto local mester a paga miles di dollar pa por a bandona costa di Venezuela

199
0
SHARE
- Advertisement -

ORANJESTAD     (AAN):  Informe cu DIARIO a haya ayera tabata tin varios doño di botonan local a confronta un situacion fastioso na e costa venezolano ora cu autoridad venezolano (guarda costa) a intercepta nan y a pidi e tripulantenan un suma cu a bay den miles di dollar pa nan por bin Aruba bek.

Mesora, e personanan local mester a cuminza tuma contacto cu nan hendenan aki na Aruba pa pone nan na altura di e sucedido.

Panico a cuminza reina y tin entendi cu mesora e familiarnan a yega Barcadera y a reuni pa asina wak con nan por a pone un e suma hunto y mande Venezuela pa asina libera esnan deteni na Venezuela door di autoridad venezolano.

Den oranan di merdia, DIARIO tin entendi, a yega Aruba e capitan di un speedboat encarga cu e colecta di e placa.   E capitan a logra bay Venezuela bek cu e suma cu tabata wordo pidi.

E hendenan a wordo poni den libertad sinembargo, un persona lo a keda ayanan pero ainda e motibonan no ta conoci.

Den oranan di anochi, esnan cu a wordo reteni a yega nos isla sano y salvo.

Mester corda cu hopi biaha, fiscalnan na Aruba a yega di impone sumanan halto pa piscadornan venezolano cu a wordo haya den nos awanan.  Awor, parce Venezuela ta haciendo mesun cos.

 

- Advertisement -

DUNA COMENTARIO

Please enter your comment!
Please enter your name here