Home Deporte Un total di 28 ekipo di varios pais lo participa den e...

Un total di 28 ekipo di varios pais lo participa den e 23 edicion di Aruba Internacional Pro-Am Golf Tournament

118
0
SHARE
- Advertisement -

ORANJESTAD (AAN): Dia 25 pa 27 Augustus lo tin e di 23 edicion di “Aruba Internacional Prom-Am Golf Tournament”. Esaki lo tuma luga riba e prestigioso cancha di golf di Tierra del Sol Country Club & Spa. Aruba Tourism Authority conhuntamente cu otro patrocinadornan ta organizando e evento cu e expertonan di Tierra del Sol Resort & Golf . E torneo di Golf aki ta un torneo masha popular mes internacionalmente specialmente den e paisnan di Latino America.

Promocion pa Aruba

Aruba Tourism Authority ta haci uso di e evento di golf aki pa promove Aruba den latino America, Estados Unidos y Europa cu cooperacion di A.T.A. su oficinanan na varios pais, ta organiza diferente torneonan cualificatorio caminda e ganadornan di cada pais ta ricibi e oportunidadnan di bin hunga e final na Aruba. Tur A.T.A. su oficinanan di PR den tur mercado ta contribui grandemente y ta haci esfuerzo pa promove Aruba den mundo di golf. Pa e torneo aki cada ekipo di golf ta consisti di 5 golfista, 1 profesional y 1amateur.

Participacion di celebridad nan di Belgica

E aña aki, oficina di A.T.A. situa na Hulanda a tuma e iniciativa pa invita Geert de Vlieger y Karl Vannieuwkerke pa e torneo aki. Sr. De Vlieger ta un futbolista profesional retira procedente di Belgica y el a bira e prome goalkeeper durante e torneo mundial di World Cup na aña 2002. Karl Vannieuwekerke ta un reportero di deporte-descendiente di Belgica, pero hopi conoci na Hulanda y Belgica. Ademas e ta un presentador di television y e ta skirbi buki como tambe e ta skirbi den prensa.

Tierra del Sol

Ta un inmenso placer pa Tierra del Sol un biaha mas host e evento aki y ta yuda den e organizacion, conhuntamente cu A.T.A. pa e evento di Aruba Internacional Pro-Am Golf Tournament ta un exito. Durante transcurso di añanan e torneo a demostra su derecho di existencia y ta sigui crece. Den e calendario annual di torneonan di golf cu a tuma luga na Tierra del Sol, e torneo aki ta den top y anticipacion ta grandi den Caribe. 

Ekipo nan participando

E aña aki e torneo ta cera cu 28 ekipo en total di e paisnan: Belgica, Bermuda, Brasil, Canada, Colombia, Curacao, Hulanda, Inglatera, Venezuela y naturalmente Aruba.

Manera custumber e hungadornan aparte di hunga golf tin un programa social hopi atractivo cu ta inclui brunch, dinner y fiesta di clausura cu entrega di trofeo na e ganadornan di e torneo 2017. Aparte di e aporte di Aruba Tourism Authority y Tierra del Sol, e torneo ta conta tambe cu otro companianan manera: Caribbean Mercantile Bank, Aruba Aloe, Little Zwitzerland, Maggy’s y Cerbez Presidente.

Pa mas informacion por tuma contacto cu: Tita Iglesia na Aruba Tourism Authority tel, 297-5823777 Ext 269.

- Advertisement -

DUNA COMENTARIO

Please enter your comment!
Please enter your name here