Home Noticia Internacional Venezuela lo keda isola di turismo y economia door di e “constituyente”

Venezuela lo keda isola di turismo y economia door di e “constituyente”

97
0
SHARE
- Advertisement -

Segun Javier Vivas:

ORANJESTAD (AAN) – Javier Vivas, den su articulo di denuncia publica den e rednan social, dialuna mainta, encuanto a la “Constituyente di Nicolas Maduro” y su fraudulento triunfo, ta denuncia kico a sosode dialuna madruga.

E ta bisa cu di hecho, den pleno madruga nan a asesina e Secretario Hubenil di Accion Democratico (AD), den e Estado di Sucre y un candidato di e mesun “constituyente” nomina pa Estado Bolivar.

Esaki meymey di otro hechonan di violencia entre militarnan, polis y civil den diverso zona di e pais den e dianan previo, locual ta signo evidente cu Venezuela a drenta den un guera civil, cual lo no ta manera generalmente e tipo di conflictonan aki ta desaroya nan mes. Esaki ta entre un gobierno cu ta reprimi y utiliza militarnan burdugo y forzanan paraestatal (yama “colectivo” arma) contra un poblacion cu for di nan espacionan comunitario, ta resisti y contra ataca cu e proposito di minimiza e neodictadura.

“Den tal sentido, e crisis economico grave cu ta sacudi e pais lo bira mas grave ainda den e proximo dianan. E dolar parallel a sobrepasa e cinco cifra y, ta hopi probable, cu na medida cu e seudoconstituyente aki emiti decisionnan, cu ta sigui atenta contra e poco stabilidad di e pais, e balor di e moneda stranhero lo duplica of triplifica den corto tempo, locual ta mescos cu bisa cu e Venezolanonan lo ta sumi den un completo miseria como producto di e inflacion halto (cu ta cerca di cuater digit anual), e scarcedad di alimento y remedi, y por supuesto, e salario pulveriza como principal ingreso social” Vivas ta enfatiza.

Vivas ta sigui indica cu varios pais na mundo ha pronuncia nan desconocimento di e resultadonan di e “constituyente” aki, locual obviamente ta nifica no solamente sancionnan economico y politico contra e Gobierno di Venezuela, pero tambe mas aislamento turistico y comercial como nacion, na momento cu e aerolineanan mas importante di mundo a cancela su servicionan pa Venezuela.

“Ken por pensa cu e ‘constituyente’ madurista lo permiti devolve e Patria di Bolivar su ‘paz y progreso’ a wordo gaña. E ‘constituyente’ ta nifica morto di e republica y yegada di e guera civil na Venezuela. A proposito di ta ciego: Ken tin wowo ban mira”! e denuncia di Javier Vivas ta conclui.

- Advertisement -

DUNA COMENTARIO

Please enter your comment!
Please enter your name here