Home Cultura Workshop di arte na Ateliers’89

Workshop di arte na Ateliers’89

14
0
SHARE
- Advertisement -

ORANJESTAD    (AAN):   Workshop di arte y herencia cultural for di Dialuna 4 di September na Ateliers ’89 Academia Di Bellas Artes Aruba. Dicta pa e maestronan di Curacao y Hulanda, Ruben de La Cruz y Karolien Helweg.

Artistanan Ruben de La Cruz y Karolien Helweg ta bin Aruba pa haci un investigacion di e herencia perdi di casnan traha di bleki na Aruba. Den e casnan aki nan tawata biba durante e tempo di gloria di e rafinaderia di azeta LAGO.

E investigacion aki nan kier haci, nan dos hunto, cu un x cantidad di participante den e workshop aki, cu nan ta bai duna na Ateliers ’89 bou di e titulo “Haci arte di bo herencia”.

 

Participa

Tur hende cu kier haci arte y ta haña nan herencia cultural importante ta wordo yama pa participa y asina yuda cu e investigacion y traha un obra propio di arte/instalacion según e storianan colecta. Paso nos kier haci un yamada na tur di e tempo ei cu sa algo o atende o a biba mes den un cas asina, pa bin na Ateliers ’89 durante e workshop pa bin conta o mihor ainda conparti potret cu tur presente.

Habitantenan di edad di San Nicolas y participantenan di e workshop asina ta traha hunto ariba e projecto aki pa converti esaki den un exito y hunto documenta e bunita herencia cultural aki di Aruba.

 

Dikon

Ta importante pa trece e pida herencia cultural aki bou di atencion na Aruba prome cu e bai henteramente perdi. Pa duna honor na esaki cu un obra di arte. Nos ta bai crea artisticamente un obra tres dimensional di un cas traha di bleki. E sorto di casnan cu a yega di existi na San Nicolas. Nos ta rescate y yame den presente.

 

Iniciadornan/docente

Karolien Helweg y Ruben de La Cruz dos artista cu a studia na Koningklijke Academie di Arte Visual na den Haag Hulanda, ta traha for di 2000 hunto. For involvimiento social nan ta forma y produci projectonan di arte, bienestar general y educacion conbina hunto. Anteriormente a haci investigacion na e casnan di bleki na Curacao, cu a resulta den e publicashon di e buki “De vergeten Monumenten van Curacao”.

 

Informacion praktico

Titulo: Turn your Heritage into Art

Technica: Investigacion y Mixed Media.

Duracion: for di Dialuna 4 di September pa Diahues 28 di September.

Di Dialuna pa Diahuebs for di 6.30 pa 9.30pm. Edad 13 aña pariba.

Lugar: Ateliers ’89, Academia Di Bellas Artes Aruba, Dominicanessenstr. 34 Oranjestad, rechts tegenover Maria College.

Inscribi ya cu cuponan ta limita

 

- Advertisement -

DUNA COMENTARIO

Please enter your comment!
Please enter your name here