Home General Yiu chikito a wordo saca for di Aruba sin conocemento ni...

Yiu chikito a wordo saca for di Aruba sin conocemento ni autorizacion di su tata!

560
1
SHARE
- Advertisement -

Posible secuestro? E dolor di un tata:

ORANJESTAD (AAN) – Matutino DIARIO a haya informacion di un caso lamentable cu a sosode siman pasa, ora cu un mama a saca su yiu di  apenas dos aña y mey di edad for di Aruba, sin conocemento di e tata, kiermen sin su autorizacion!

Segun un fuente fidedigno, e señora no ta naci na Aruba pero tabata compaña cu un Arubiano y nan a haya e baby aki.

E señora mes ta un profesional cu un responsabilidad hopi grandi na Aruba, pero a laga tur cos atras, incluyendo clientenan cu den hopi ta depende di dje, y bay sin bisa nada ni na su doño di trabao.

E tata a reconoce e mucha cu ta carga su fam, logicamente. Kiermen e ta registra na Censo. E mama no a kita nan nombernan for di Censo tampoco.

Segun nos fuente di informacion ta via wsp, ya den avion, e mama a notifica e tata di e criatura cu e ta bayendo su pais bek hunto cu nan yiu, y cu nunca mas e tata lo bolbe mir’e.

Segun e version, tabata tin un problema entre e pareha cu no a wordo causa pa e tata di e mucha sino door di su partner.

Generalmente, ora tin cosnan asina sa sosode mesora e reaccion ta di defende un mama, asumiendo cu ta e hende homber a haci algo malo.

Pero esey no ta mustra di ta e caso aki, mas bien ta un tata hopi pega cu su yiu cu a sa di purba drecha e situacion cu e señora, y net na momento cu nan tabata compartiendo e responsabilidad  di cada un como mayor, incluso e parti financiero sin bay Huez pa pidi custodia E mama a dicidi di bay for di Aruba keto keto, mustrando mala fe, y laga e tata den un situacion emocional sumamente penoso.

Famia di e tata a keda den shock. Nan ta haciendo tur cos cu nan por pa paga un abogado pa wak si di un manera of otro haya un solucion husto via e canalnan concerni.

E pregunta ta kico a faya den ley, pasobra ta asina cu ora un mama sali for di Aruba cu un yiu chikito, na Imigracion nan no ta lagu’e sali asina sin mas si e no ta mustra un carta di autorizacion di e tata y den e otro pais tambe nan ta pidi esaki.

“Hende muher tambe por faya tin biaha. No semper mester ta fout di e hende homber, y esey ta algo cu nos tur mester siña acepta”  nos fuente di informacion a remarca.

Incluso tin indicacion cu un familiar di e mama di e mucha a manda un mensahe pa e tata cu su yiuchi ta yora tur dia y ta puntra pe y e mama, gewoon ta bis’e “e ta cu vacacion afo”. Tin indicacion cu e caso aki por wordo considera secuestro.

 

 

- Advertisement -

1 COMMENT

  1. Ken tin e voogdij, si ta e mama e tata wel do lubida, si e mama tin voogdij no mester autorizacion di e tata. Si ta voogdij comparto tur dos lo mester duna otro autorizacion ora di biaha. Lo ta bon pa,pide un carta certifica door di un notario cu e firma echt ta di e sin cu a firma.

DUNA COMENTARIO

Please enter your comment!
Please enter your name here