Home Policial Abase di informacion confiable investigacion criminal a inicia

Abase di informacion confiable investigacion criminal a inicia

959
0
SHARE
- Advertisement -

Sint Maarten

ORANJESTAD    (AAN):   Lesa entre otro kico a haya entre otro den poder di e ladronnan. Manera ta conoci e horcan Irma a causa bastante daño na e islanan Saba, Sint Eustatius y  Sint Maarten e ultimo aki mester masha hopi miyones di dollars pa lanta cabez.

Ta calcula e daño na mas cu un billion. Durante cu mayornan habitantenan ta man na cabez cierto cantidad di individuonan a probecha pa kibra drenta horta masha hopi mercancia den tiendanan, deposito.

Mientras tin masha hopi evidencia di esnan cu a comete actonan criminal aki. Abase di informacion confiable departamento di Recherche Sint Maarten ta haya entre otro asistencia di forza policial consisti di polisnan di Aruba, Curacao, Hulanda, Sint Maarten  Marechausse , V.K.C., V.K.S. Douana, Coast Guard y Militarnan Hulandes.

Esnan cu a comete acto nan criminal no ta scapa ya caba diahuebs 21 september un homber sospecha inicial S.C. a wordo aresta den su cas den Philipsburg cu masha hopi articulo cu e no por a prueba cu nan ta su pertenencia documentonan.

E articulonan a wordo haya durante listramento den su cas. Entre otro horlogenan y otro joyanan, mas televisornan flatscreen. Mientras dos otro persona biba den Sucker  Garden tambe a wordo  aresta pa polis diahuebs siman pas den careda di 4’or marduga pa ta den position di articulonan horta aki tambe no por a produci documentonan. Entre otro Flat screen television, hermentnan electrico, un vehiculo pa transporta mas cantidad di suma placa, equipo di stereo.

E articulonan a wordo confisca pa mas investigacion y esnan sospecha di inicial B.M., T.L.M. y R.L.M. aresta a wordo hiba na Philipsburg Police Station y nan a keda pa duna cuenta. Tambe riba e mesun diahuebs pa alrededor di 4’or di marduga, cuater teenagers a wordo aresta pa polis relaciona cu kiebro den un tienda den Back Street.

Durante di e aresto di e sospechosonan a haya cantidad considerable di articulonan horta den nan posesion. Entre otro Roller Blades y bicicletanan.E articulonan menciona wordo confisca relaciona cu lo demas investigacion.

Tur e cuater teenernan aki a wordo aresta y hiba na Philipsburg Police Head Quarter y pa keda pa duna cuenta. Diabierna 22 September mainta trempan durante razia den un Compleho di Apartamento cu ta keda den cercania di e supermercado masha popular riba Welfare Road y un total di 11 persona a wordo aresta.

Cuater di e personanan aki a wordo aresta pa position di arma di candela illegal y pa ladronicia. Durante razia a bin localiza un “Shot Gun”, cantidad di motor nobo di boto, algun tanki gasolin di out board motor nobo nobo, DVD Player mas otro articulonan manera di electrico tur a wordo confisca y e detenidonan a  wordo hiba Philipsburg Police Head Quarter pa duna cuenta.

E otro 7 personanan cu a viola ley di imigracion a  wordo entrega na departamento di Immigration. E accionnan lo sigui pa cual tambe autoridad ta pidi cooperacion pa yuda pa captura e malechornan cu a comete actonan criminal durante y despues di horcan Irma.

- Advertisement -

DUNA COMENTARIO

Please enter your comment!
Please enter your name here