Home Suceso Accident a laga saldo di tres herido na Sero Pita

Accident a laga saldo di tres herido na Sero Pita

65
0
SHARE
- Advertisement -

ORANJESTAD(AAN): Diahuebs anochi net prome cu 12’or di madruga, a registra un accidente basta fuerte entre dos auto.

Un Toyota Yaris color blanco cu number A-31558 tabata bahando for di Ayo pasando cruzada di Sero Pita pa sigui direccion Piedra Plat y a djis yega pasa e crusada sin duna preferencia.

Un Nissan Fuga shinishi cu number A-65991 tabata biniendo di Tamarijn via Sero Pita pa bay direccion zuid. E dama chauffeur a haye inespera cu e Toyota Yaris cu a cruza su dilanti. E impacto tabata fuerte y e auto blanco a bolter cay bek riba wiel.

E impacto a pone e Nissan bira 180 grado bay dal den mata di kwihi. Ambos auto a keda hopi kibra, y en total tres persona a resulta herida.

Dos ambulance a presenta pa duna nan tur atencion medico. E dama chauffeur a bay Hospital y e otro heridonan tambe. E dos hombernan por a cana. E dama tabata sinta abou y mester a wordo poni riba brancard. Polis a haci investigacion.

Un di e autonan mester a wordo saca cu takelwagen. Bisiñanan cu a scucha e impacto a core sali duna un man tambe.

 

- Advertisement -

DUNA COMENTARIO

Please enter your comment!
Please enter your name here