Home Politica Andin Bikker satisfecho cu e gran acogida cu e parada di POR

Andin Bikker satisfecho cu e gran acogida cu e parada di POR

14
0
SHARE
- Advertisement -

ORANJESTAD (AAN): Diasabra anochi Partido POR tabatin un parada di luz sumamente exitoso. E parada a sali for di Centro di POR na Boegoeroei y a termina cu un fiesta cu varios banda na Mabon.

Na momento cu e candidatonan a yega, a topa cu e Pueblo grandi di San Nicolas. Durante di e parada banda di caminda por a tuma nota di un multitud grandi di hende cu a para y expresa nan apoyo na e candidatonan di partido POR.

E gran acogida cu partido POR ta hayando ta confirma cu Pueblo ta cu POR y Pueblo ta desea un cambio berdadero. Falta apenas dos dia pa eleccion y na final di dia e encuesta real ta esun di dia di votacion.

Aruba ta apoya e cambio berdadero pa medio di partido POR, caminda no solamente Andin Bikker y Otmar Oduber ta lider, pero cada un di e 29 candidatonan ta un lider riba su mes, hombernan y muhenan balente cu ta prepara pa bay enforsa y ehecuta e programa di POR pa Gobernacion, Vision 17-21. Y cu sosten di Pueblo di Aruba, ilumina pa nos Creador, partido POR ta bay logra un victoria historico den politica di Aruba.

Dia 22 september bo voto lo bay haci un diferencia positivo pa e futuro di Aruba. Hunto nos POR!

 

- Advertisement -

DUNA COMENTARIO

Please enter your comment!
Please enter your name here