Home Comentario Anko Ringeling: “Buchi Juan no ta traha den hospitalnan top di Colombia”

Anko Ringeling: “Buchi Juan no ta traha den hospitalnan top di Colombia”

48
0
SHARE
- Advertisement -

No compara reconocimento diploma medico di region cu manda pacientnan local na Colombia:

 

ORANJESTAD (AAN) – Den encuentro cu prensa, despues di a bishita sr. Gobernador, drs. Anko Ringeling, director di AZV, a referi na otro punto cu e ta sigur cu lo wordo discuti cu e proximo gobierno.

Esaki ta e tema di Arubianonan cu a studia medicina den nos region: esta Costa Rica, Colombia y, cu segun Ringeling, no ta cuadra cu e standard cu nos tin na Aruba cu ta basicamente e standard di Hulanda.

E director di AZV ta haya cu ora hende ta bisa cu nan no ta acepta nan, pero AZV ta manda pacientnan di nos na Colombia, ta un comparacion cu no ta na su lugar.

El a subraya cu si mira e hospitalnan unda AZV ta manda su pacientnan, nan ta hospitalnan top. Nan tin un acreditacion internacional. Cu un tono di evidente menosprecio, Ringeling a expresa: “Buchi Juan na Colombia no ta na e hospital ey. Mayoria di e docternan cu ta traha den e hospitalnan ey a studia no solamente na Colombia, pero tambe na Europa, y den nos region hasta na Merca, pues bo no por compara esey”, segun expresion di drs. Anco Ringeling.

“Esey ta pasobra na Universidadnan na Europa tin un tradicion di metemento di gobierno. Antes nan tabata yama esaki ‘rijksuniversiteit’ anto door di esey nan ta hopi mas standardiza. Si bo studia na Groningen of Maastricht no tin mucho diferencia. Akinan den region y na Merca tambe bo mester selecta e universidad. Nan tin bon, hopi bon mihor cu na Europa, pero bo tin malo tambe. Anto esey ta haci dificil pa en general bisa cu cualkier persona cu a studia den region como docter, cu e por traha akinan numa, y esey ta e problema ainda”, drs. Anko Ringeling a subraya.

- Advertisement -

DUNA COMENTARIO

Please enter your comment!
Please enter your name here