Home General APFA mester inverti mas largo pa cumpli cu su obligacionnan

APFA mester inverti mas largo pa cumpli cu su obligacionnan

35
0
SHARE
- Advertisement -

ORANJESTAD (AAN): Mirando cu tabata tin un temporada dificil pa APFA, tambe mundialmente, Jennifer Jacobs di APFA a splica cu nan ta mira tambe cu e mercadonan financiero ta keda dudoso. Tin hopi volatilidad ainda. Awor aki loke ta birando mas importante ta mortalidad, cu ta bibando mas largo.

Esey tin un impacto riba tur fondo di pensioen. Esey ta un banda di medaya. Tin un otro banda di medaya cu ta mira cu tin un tendencia cu ta bin menos hende hoben. E cifranan tocante di natalidad, con hopi hende nobo ta bin acerca, tambe ta bahando.

Tin un efecto di dos banda y cu nos ta bibando mas largo. Tin di spaar. APFA mester inverti mas largo pa cumpli cu su obligacion, pero tambe cu e grupo cu mester ta activo, e participantenan cu tin cu yuda pa mantene e fondo, ta birando mas chikito. Esey ta e preocupacionnan cu ta existi awor aki den e mundo di pensioen. Fuera cu ta keda e parti financiero cu semper ta keda un punto cu mester investiga y mester maneha y mira cautelosamente kico ta sosode riba mercado. Fuera di esey tin con e demografianan, no solamente na Aruba sino mundialmente, ta desaroya. Esey tambe tin impacto riba e fondonan di pensioen.

Tene e fondo sano:

Mirando e desaroyonan cu menos miembro, mas vergrijzing, pero sin toca na porta di e actual pensionado pa extra prima. Esey ta locual ta e deseo di tur hende pa tin un cierto stabilidad den esey. No obstante ta keda asina cu APFA ta administra un fondo.

Nan ta ehecuta un areglo di pensioen pa e dunadonan di trabao cu ta parti di e fondo, entre otro Gobierno. Tin empresanan tambe di Gobierno cu tambe ta forma parti di e fondo. Fundacionnan cu ta afilia tambe.

E ta keda un decision di e partnernan ey. Dunado di trabao y participantenan di e fondo cu den mayoria caso ta worde representa door di sindicato, kico nan ta bin na acuerdo cun’e. APFA den e parti ey, ta keda duna conseho naturalmente, pero su tarea ta pa maneha y administra e fondo y ehecut’e. APFA ta ehecuta loke e partnernan kier pa nan haci.

Bon noticia:

Jacobs ta spera cu e miembronan haya esaki un bon noticia. Ta di mira cu e progreso, e mehoracion di e fondo tey. Ta sigui crece, ta sigui yegando na un nivel cu ta cumpli cu e rekisitonan di Banco Central di Aruba y por bisa cu APFA a satisfecho cu e logronan cu tin te cu awor aki.

- Advertisement -

DUNA COMENTARIO

Please enter your comment!
Please enter your name here