Home Economia APFA ta un fondo di pension stabil y cu suficiente reserva

APFA ta un fondo di pension stabil y cu suficiente reserva

611
0
SHARE
- Advertisement -

Sheila van Veen despues di a bishita Gobernador:

ORANJESTAD (AAN) – Sheila van Veen, director di APFA a hiba un combersacion cu prensa, despues di a bishita sr. Gobernador, Alfonso Boekhoudt.

Cu Gobernador, el a sostene un combersacion hopi positivo y a elabora tocante e desaroyo di e fondo, e ultimo añanan.

E desaroyo aki ta positivo, sra. van Veen a señala, unda cu APFA a logra recupera e fondo hopi.

El a señala cu desde cu APFA a introduci e areglo nobo na 2014, nan tin un reserva cu ta sobrepasa cien porciento, y esey kiermen cu e fondo tin suficiente recurso pa paga tur pension awor y den futuro.

Sheila van Veen a menciona cu nan ta den un periodo di recuperacion aworaki pasobra nan mester acumula un cobertura ainda, cu Banco Central ta rekeri y esaki ta di 9 porciento. Pero esaki ta bayendo bon y APFA ta dilanti di e proyeccionnan y na Augustus ultimo, nan grado di cobertura tabata 107.1 porciento. Kiermen, nan ta riba bon caminda.

Pa futuro APFA mester tene cuenta cu su rendimento riba inversionnan y tambe tocante vergrijzing di nan participantenan cu ta bay keda bira un reto di pension.

Sheila van Veen a duna di conoce cu APFA tin reunion cu e sindicatonan tur cuartal, y nan ta presenta tur e cifranan. Pero como un fondo di pension, nan no por garantiza e pension, pero si mira e grado di cobertura y e proyeccionnan, kiermen cu e fondo ta stabil na e momentonan aki. Y ainda tin un periodo basta largo pa sigui acumula e reserva.

E dama a remarca cu na e momentonan aki APFA su inversionnan den exterior ta bayendo hopi bon, nan tin un reto riba e mercado local, na unda nan ta wak cu no tin hopi proyecto, pero fondo di pension na e momentonan aki ta hopi activo den busca di otro tipo di proyecto pa genera entrada y tambe pa sostene e economia di Aruba.

- Advertisement -

DUNA COMENTARIO

Please enter your comment!
Please enter your name here