Home Gobierno Arseñal cu orguyo a inaugura veld mini turf hunto cu Prome Minister...

Arseñal cu orguyo a inaugura veld mini turf hunto cu Prome Minister Eman

30
0
SHARE
- Advertisement -

ORANJESTAD (AAN): Riba diasabra atardi tabatin celebracion den Angochi. Un otro soño di e ekipo di futbol Arseñal  a bira realidad na momento cu e mini cancha deportivo, cu yerba artificial, a keda inaugura door di Prome Minister Mike Eman.

E Proyecto aki no ta solamente un soño di Arseñal cu a bira realidad pero tambe di Prome Minister Mike Eman, kende ta e motor tras di e prome mini cancha di futbol cu yerba artificial, cual a wordeconstrui na Centro di Bario Brazil.

Algun luna atras a keda anuncia cu ta bay realisa 7 mini cancha di futbol rond Aruba cu patrocinio di e Programa Olympamerica di e Organizacion Deportivo Panamericano atrabes di Comite Olimpico Arubano bou presidencia di sr. Roy Mezas.Enbes di uza e suma di placa pa un solo proyecto grandi, Gobierno a haci apelacion pa laga mas tanto organizacion beneficia di e ayudo aki y tabata algo cu COA tabata di acuerdo cune sigur.

Diahuebs atardi Dakota, e prome cu a keda cla, a worde inaugura den presencia grandi di miembronan di e ekipo SV Dakota y Centro di Bario Dakota. Ademas di e dos organizacionnan, otronan cu a bin na remarca pa un di e mini canchanan aki ta La Fama, Studiantes, Ayo y Washington. Tin un mas cu ta den desaroyo, cu ta esun na CuraCaba Zuid y esaki ta worde ehecuta door di FCCA.

Durante e ceremonia di inauguracion a hiba palabra Pedro Morillo, kende semper a lucha pa e organizacion Arseñal hunto cu su famia. `E ta yena mi di emocion y orguyo, cu a yega como un sorpresa, cu e miniturf aki a worde dedica na mi persona,” Morillo a expresa. Pero tambe el a bisa despues di e añanan cu e ta traha cu Arseñal, for di su 19 aña te cu su 60 y pico aña, el a dicidi di retira como entrenador y a pasa esaki pa su yiu.

E muchanan di bario mes ta hopi entusiasma, Morillo a bisa. For di momento cu a informa cu ta bay construi un miniturf, e muchanan a cuminsa haya entusiasmo pa yega tereno.

E fundador y Presidente di Arseñal tin masha aprecio y agradecimento paProme Minister Mike Eman pa e proyectonan di Arseñal y Angochi. Semper cu a acerca e mandatario, Morillo ta bisa, el a coopera sea ta pa e ekipo of e bario. Mi ta masha”contento cu e ta coopera hopi cu deporte”.

E proximo cancha cu lo bay keda inaugura ta den e pueblo di Savaneta, esta na veld di La Fama, diahuebs awor pa 6or di atardi.

 

- Advertisement -

DUNA COMENTARIO

Please enter your comment!
Please enter your name here