Home Comentario Gobierno cu nombramento di cinco director cla sin pasa door di solicitud...

Gobierno cu nombramento di cinco director cla sin pasa door di solicitud habri!

921
0
SHARE
- Advertisement -

Segun “rumor” persistente

ORANJESTAD (AAN) – Tin informacion ta circulando rond, of “rumor persistente” cu, a yega na Matutino DIARIO tambe, tocante un decision cu gobierno a tuma, aparentemente na un forma arbitrario.

Cinco persona a wordo nombra pa ocupa un puesto halto den, logicamente, cinco institucion; dos di nan cu salarionan sumamente halto y e otronan tres cu algun mil florin mas cu salario di parlamentario.  Riba su mes, loke ta wordo mira mas como patronahe politico ta cu esaki ta bay tuma lugar sin cu a pasa e proceso via solicitud habri.

Aparentemente, Parlamentario Donny Rasmijn lo bira director di Serlimar, ex-minister Juan David Yrausquin lo ocupa e cargo di director di APA, Robert Candelaria director di Scheepvaart, Parlamentario Jeffrey Kelly, ta apunta como director di SKOA y Eyshel Visse-Erbudak, como director di Hospital. Esaki cu un salario barbaro, mescos e director nobo pa APA.

Aparentemente, Gobierno no por haci e cargonan aki oficial pasobra e persona cu mester autoriza cu su firma e cargonan aki, tin e nombracionnan wanta, precisamente pasobra e procedure no ta corecto. Asina leu e informacion cu Matutino DIARIO a ricibi y cu for di Diabierna ta circula rond di nos Isla.

Esaki ta un custumber di e partidonan tradicional ora nan ta na mando y cu nan ta hacie prome cu nan baha na final di nan periodo, anto e partido mas grandi di oposicion ta use despues como “critica politico”, no obstante ora nan ta den gobernacion na final di esaki, nan ta haci MESUN COS!

- Advertisement -

DUNA COMENTARIO

Please enter your comment!
Please enter your name here