Home Economia Aruba Airlines lo cuminza bula Curaçao y Bonaire cu un Dash 8

Aruba Airlines lo cuminza bula Curaçao y Bonaire cu un Dash 8

3741
1
SHARE
Un avion Dash-8 manera esaki lo bay wordo usa.
- Advertisement -

ORANJESTAD (AAN): Dentro di poco, e conexion aereo entre e islanan ABC lo bay mehora hopi mihor danki na Aruba Airlines.  Esey ta informacion cu DIARIO a ricibi e siman aki.

E avionnan Airbus A320 y A319 di e compania, no ta esnan mas adecua pa usa riba rutanan regional, y esey tabata un di e motibonan tambe di con Aruba Airlines no tabata haci esaki.  Sinembargo cambio ta na caminda.

Lo no usa e avionnan Airbus pa vuelo interisland.

Siman a habri y DIARIO a haya sa cu firmamento ya a tuma lugar, pa Aruba Airlines lease un commuter plane pa haci vuelonan di Interisland.  Ta trata di e avion confiable Dash 8, cu tin capacidad di 50 pasahero, ta conta cu motor potente, avionics moderno, y ta hopi economico riba vuelonan regional.

Pa awor nan ta buscando 1 avion so, y cu esaki e plan ta pa bula pa Curaçao y tambe Bonaire, cu e meta pa mehora e brug aereo entre islanan ABC.

Pues ta parce cu e deseo di hopi Arubiano ta bay bira realidad.  Tin indicacion cu e compania tin plan pa bula por lo menos 3x pa dia pa Curaçao.

E vuelonan lo no start mesora, como cu e avion tin di pasa su revision, y tambe haya livery riba dje, di e.o. e logo di Aruba Airlines.  Esey lo bay dura algun siman.

E meta di e compania ta pa cuminza bula cu e avion aki entrante Diaranzon 1 di November 2017.  Te ainda no a divulga nada di e tarifa pa pasashi, pero fuentenan a splica cu e lo bay ta mucho mas economico compara cu esnan sky-high cu tin actualmente.

Porfin Aruba lo tin su propio aerolinea cu vuelonan interisland, y esaki lo por pone cu e otro aerolineanan lo tin di baha nan prijs si acaso nan kier keda competitivo.  Y e hecho cu ta usando un avion moderno, ta atrae mas pasahero cu kier bula den tur comfort den un avion moderno di dos motor turboprop.

 

- Advertisement -

1 COMMENT

  1. Hopi biaha mi mester a bai Bonaire pa trabow. Mi ta gusta traha na Boneiro, pero pa jega Bonairo semper twt un problema HOPI grandi. Danki pa e alternativa cu tin awor.

DUNA COMENTARIO

Please enter your comment!
Please enter your name here