Home Cultura Aruba Art Fair cu segundo Town Hall Meeting

Aruba Art Fair cu segundo Town Hall Meeting

10
0
SHARE
- Advertisement -

ORANJESTAD (AAN): Diabierna ultimo, Aruba Art Fair a tene su segundo Town Hall meeting pa informa e comunidad tocante e evento di e aña aki. Den un ambiente ameno y informal na Astoria Restaurant, organizador di Aruba Art Fair Tito Bolivar, a recapitula e evento di aña pasa y a comparti e ideanan pa e aña aki, cu e grupo di artista, artesano y comerciantenan presente.

E feria, cu tin como meta e promocion di arte y artistanan local y internacional pa medio di e exposicion y benta di arte, a conta cu participacion di 150 artista aña pasa y alrededor di 10mil bishitante. Banda di e feria, cu ta dura 3 dia largo, Aruba Art Fair a organiza 7 programa artistico, realisa 15 murals, esta murayanan cu a worde transforma completamente cu pintura, y a produci 15 video cortico cu ta conta e storia y trabao di diferente artistanan local.

“Mirando e exito di e evento y e impacto positivo cu e tabata tin riba e ciudad di San Nicolas, nos a dicidi di sigui cu ne pa asina engrandece nos cultura y stimula desaroyo na San Nicolas”, Bolivar a expresa.

Tur artista y artesano ta keda invita pa registra cu nan trabao a traves di e pagina di registracion riba e website www.arubaartfair.com.

Despues di yena e formulario, cu ta inclui imagenan di trabao recien haci, tur artista y nan trabao lo worde evalua pa e curatornan di e aña aki. Bolivar a introduci curatornan Eduardo Valbuena y Michiko Takatsu, cu tambe tabata presente na e Town Hall Meeting.

Valbuena y Takatsu a hiba palabra pa asina splica locual nan lo enfoca riba dje durante e proceso di selecta e trabaonan cu lo worde exponi den e galeria di e feria di arte e aña aki. Bolivar a termina invitando tur artista den diferente disciplina di arte manera pintura, sculptura, fotografia y artesania, pa registra pa asina nan trabao por worde exponi y poni na benta durante e 3 dianan grandi cu ta na caminda riba 13, 14 y 15 di october.

Mas detayes tocante e programanan artistico, competencianan y murals cu lo worde presenta e aña aki lo worde comunica pronto durante e lansamento oficial di e Aruba Art Fair 2017.

 

 

- Advertisement -

DUNA COMENTARIO

Please enter your comment!
Please enter your name here