Home Turismo Aruba mester diversifica su producto y cambia bin cu diferente oferta pa...

Aruba mester diversifica su producto y cambia bin cu diferente oferta pa e turistanan

77
0
SHARE
?
- Advertisement -

ORANJESTAD (AAN): Na Aruba, semper e tema di turismo ta keda un punto di discusion.  Esey ta bin debi cu no ta tur hende ta contento cu e bishitantenan.

Pa loke ta e cifranan, autoridadnan di turismo na Aruba no ta mira e turista manera antes, pasobra awor ATA tin un otro sistema pa midi esaki.

Segun Ronella Croes, CEO di Aruba Tourism Authority, nan ta midi cuater cos, cu gobierno tin den su maneho!  Esey ta e cantidad di bishitante cu ta keda importante, e ingreso por medio di turismo, cual ta e Tourism Receipts cual ta worde registra door di Banco Central , e di tres punto ta e Revenue pa Available Room, dus entrada pa camber di hotel. Esaki a keda dicidi cu e ta un midicion nacional pa ta exito pa turismo of no.  Y por ultimo e cantidad di bishitante crucero.

Bao di cada un di e cuaternan aki, tin otro cosnan cu ATA ta midi. Pero e cuaternan aki, por mira cu den e ultimo periodo, for di 2011 pa 2016, bayendo back pa e ATA Sui Generis, cu pa e cantidad di bishitante esaki a crece cu’n promedio anual di 5% pa Aruba, pa loke ta trata ingreso, e Tourism Receipts, durante e periodo aki. E entrada pa camber di hotel a crece cu 5% y bishitante crucero cu entrada anual di 2%.

Si tuma e cifranan di 2016 y bay back na 2011 unda ATA Suis Generis a cuminsa, por mira cu entrada di turismo, compara di 2011 pa 2016 a crece cu mas o menos 20%.

Den e parti di marketing ta importante pa tene esaki na cuenta si ta pone hopi placa o falta mas pa pone pa haya otro destinacionnan. Na final di dia bo tin cu cumpli cu bo metanan, tin ora bo ta sobrepasa nan, tin ora cu bo ta pusha mas a fondo, pasobra situacion ta dificil.  Pues bo ta logra bo metanan mas modera.  Y aki, ta depende hopi di e situacion tambe.

Segun Señora Croes, no tin hopi diversificacion den e oferta ya cu hopi biaha tur ta ofrece e mesun cos. Mester busca manera pa diversifica bo producto. Pero mester tene cuenta cu e bishitante cu su gustonan tambe ta cambia. Esun cu semper a bishita, tin cierto gusto.

Pero esun nobo, esun mas hoben, cu tambe ta parti di e prioridadnan strategico pa Aruba su turismo, tin otro gusto y mester bay cu e tendencia eynan tambe. E ta un combinacion den cantidad cu ta mucho hopi den cierto sectornan y tambe di wak bon kico ta ofrece.

Si ta ofrece un bon producto, por cobra un prijs premium, y e turista lo ta dispuesto pa paga pa esaki, segun Sra. Ronella Croes, CEO di ATA.

 

- Advertisement -

DUNA COMENTARIO

Please enter your comment!
Please enter your name here