Home Economia Aruba participando den e “Enhanced General Data Dissemination System” di Fondo Monetario...

Aruba participando den e “Enhanced General Data Dissemination System” di Fondo Monetario Internacional

9
0
SHARE
- Advertisement -

ORANJESTAD     (AAN):   Banco Central di Aruba, den cooperacion cu Oficina Central di Estadistica y Departamento di Finansas, a tuma e pasonan necesario pa Aruba cualifica como participante den e asina yama “Enhanced General Data Dissemination System” (e-GDDS) di Fondo Monetario Internacional (FMI). Entrante 16 di Augustus 2017, Aruba a cuminsa participa den e e-GDDS di FMI, hacienda asina un paso grandi pa cu desaroyo di su sistema estadistica.

E meta di e e-GDDS ta pa:

– Encurasha paisnan miembro pa mehora e calidad di data.

– Provee un framework pa evalua e necesidad pa mehoracion di data y pone prioridad den e cuadro aki; y

– Guia paisnan miembro den e diseminacion na publico di estadistica economico, financiero y socio-demografico riba un base amplio, na tempo, accesibel y confiabel.

Informacion amplio riba e produccion di estadistica, y practica di diseminacion, di Aruba desde awor ta aparece riba FMI su “Dissemination Standards Bulletin Board” (http://dsbb.imf.org/Pages/GDDS/CountryList.aspx). Aruba tin e compromiso pa usa FMI su e-GDDS como un framework general pa sigui desaroya e sistema nacional di estadistica consistente cu e miho practicanan internacional. Esaki ta un logro importante pa Aruba y ta marca un paso crucial den e desaroyo di estadistica di e pais.

 

 

- Advertisement -

DUNA COMENTARIO

Please enter your comment!
Please enter your name here