Home Politica ATIA a organiza su “Town Hall Meeting” cu partidonan politico

ATIA a organiza su “Town Hall Meeting” cu partidonan politico

8
0
SHARE
- Advertisement -

ORANJESTAD     (AAN):   ATIA a organiza e Political Townhall Meeting exclusivo cu tabata un exito pa nan. A haci esaki mas priva cu ta posibel pa cual aki directora di ATIA,  Michelle de Groot a splica mas con esaki a bay y kico tabata e temanan cu nan a toca durante e meeting aki.

Nan no a invita tur partido politico ya cu e formato no a duna haci esey. Nan tabata kier un estilo di Town Hall Meeting, caminda cu e partidonan por a bay hopi mas diep, cual tabata e retonan cu nan miembronan ta pasando aden como comerciante. Pa bay mas diep mester di mas tempo. Pa esaki a invita partidonan cu tin representacion den parlamento. Den caso di POR, esaki tabata mas dificil, pa papia ariba planes pa futuro y ta POR nan ta representa. Pa esaki a invita MEP, AVP y POR.

Pa algun luna caba nan ta bishita nan miembronan, ta wak sondea kico nan retonan, cu nan ta pasando door di dje, kico ta cosnan cu nan kier wak diferente. Y a base di esey, algun comision cu nan a lanta hunto cu e miembronan, a bin cu algun temanan cu nan a toca durante e anochi aki. E.o. nan tabata Finansas Publico, funcionamento di Departamentonan Publico, Impuesto, Comercio y Economia, Labor y Siguridad.

Nan tabata tin presente un 50 pa 55 miembro. Algo chikito, hopi informal. Pero si nan a dicidi di livestream ariba Facebook pa e hendenan por a sigui esaki toch. E anochi a wordo parti den tres tema, cada uno cu nan temanan. Ruben Trappenberg tabata e moderador y tabata tin un panel di 3 miembro di directiva di ATIA. pa cada topico nan por a cambia nan representante. Pa cada representante tabata tin 5 minuut pa pregunta. A duna amplio tempo pa elabora ariba nan planesnan. Tambe e board por a interumpi y sigui puntra. Esey ta loke ATIA ta loke nan a sinti falta di dje, unda tabata haya 1 minuut y nan no por a elabora ariba nada. No tabata tin un discusion entre e publico y e politiconan.

Pa loke ta e anochi nan a haya un bon idea vooral e miembronan, esey ta e intencion di kico e plannan ta. Sra. de Groot ta bisa cu nan a keda hopi satisfecho, y despues di e Town Hall Meeting nan a tene un cocktail hour, unda cu e miembronan a tabata hopi positivo.

Pa loke ta e otro partidonan, nan no a pensa ariba un siguiente meeting. ATIA a wordo acerca door di RAIZ cu a acerca nan pa un presentacion. Si tabata tin mas tempo, nan lo a haci un di dos meeting, pero e ta rekeri hopi organisacion. Pero si nan ta keda habri pa e otro partidonan.

Sra. de Groot mes tabata hopi bezig, pero nan ta kere cu tin toch basta raakvlakken, kisas no di un partido exclusivo, pero si di varios. ATIA ta bezig ta trahando ariba e problemanan cu tin y ariba solucionnan. E anochi aki nan a haya varios contesta cu tabata cuadra cu e pensamento di ATIA.

 

- Advertisement -

DUNA COMENTARIO

Please enter your comment!
Please enter your name here