Home Policial Auto a hala un banda y bay dal den trafico di direccion...

Auto a hala un banda y bay dal den trafico di direccion contrario na Ponton

65
0
SHARE
- Advertisement -

ORANJESTAD(AAN): Tabata Diamars algo pasa di 11:15’or di anochi, patruya di playa a ser dirigi riba e caminda di ponton un poco mas pazuid di Wing Hung Bar Restaurant.

Esey debi cu eynan un auto a dal den palo di luz.

Na yegada di e patruya, a bin topa cu e accidente cu dos auto envolvi. Na prome instante a drenta informacion cu un auto a dal den palo di luz. Polis a bay chek kico exactamente a sosode. Polis di trafico tambe a presenta na e lugar pa asina investiga kico a pasa.

A bin saca afo cu e un di e autonan tabata bay direccion panort y otro direccion zuid. Un di nan a hala den su banda robez, y dal frontal den trafico di direccion contrario.

E autonan envolvi ta un Suzuki Baleno color berde A-64020 y e otro ta BYD color blanco A-66413.

Den cada auto, e chauffeur a keda herida. Uno tabata un dama y e otro un cabayero. Nan no ta grave pero ambos a worde hiba hospital den dos diferente ambulance. E autonan a keda hopi kibra. Bomberonan tambe a duna un man den e desgracia.

 

- Advertisement -

DUNA COMENTARIO

Please enter your comment!
Please enter your name here