Home Politica AVP ta bay oposicion y Mike Eman ta retira como lider

AVP ta bay oposicion y Mike Eman ta retira como lider

2828
1
SHARE
- Advertisement -

Solamente 40% di Aruba a vota AVP

AVP a haya sla cu caida di 32% di votonan ü  Di 13 asiento a cay te na 9 asiento Eman ta duna balor na e expresion di pueblo

ORANJESTAD (AAN): Di hopi tempo caba ta mira esaki ta acercando, specialmente scuchando e kehonan den pueblo, unda AVP a parce di ta lubida con pa controla e costo halto di bida, con nepotismo a haya un momentum incontrolable den e partido, y principalmente e intimidacionnan mahos riba caya y social media ultimo simannan, a pone pueblo rechaza e Gobernacion di AVP na un forma mahos, y a realmente manda Partido Berde cas.

Di trempan caba por a nota con AVP tabata cay den casi tur urna na Aruba, y na final a bin nota cu como 32% di votadornan a bandona fila berde, y tur esaki a cay duro cerca Prome Ministro Mike Eman.

E anuncio di sorpresa cu a laga miles di hende den shock, a dal duro riba Diasabra den oranan di madruga, ora el a bisa cu AVP a analiza e resultado, y ta bandona Gobernacion, y ta bay den oposicion.

Alavez di esey, Mike Eman a anuncia cu e ta retira como lider di AVP, y tambe a agrega cu e mes lo no ta den Parlamento pa 2017-2021.

Mike Eman kier crea espacio pa kizas nan haya un lider nobo di partido y ta cla pa entrega e liderato na un persona.  Eman a bisa cu e lo no desaparece pero ta kere cu democracia ta haya su balor real na momento cu esnan cu ta eligi, ta realiza e balor di e expresion di pueblo.

El a admiti cu AVP a cay di 13 asiento pa 9 asiento, y pesey ta un partido cu tin di asumi su responsabilidad di renobacion y reflexion.  E ta bisando cu AVP tin di bay den “Damage Repair Mode”, y lo sa di bin bek ariba, pasobra e tin mas di 60 aña di existencia, y su rol ta transcedental.

E ta un decision radical pa Prome Ministro Eman?   El a mustra cu el a consulta cu su consenshi, y ta un decision hopi personal.  E ta desmenti cu esaki ta asunto di bay y laga un partido planta atras.  El a priminti di lo tey cerca pa duna conseho, pero lo no ta corecto pa awenochi pueblo Arubano no haya mensahe cu AVP ta scucha loke pueblo a bise.  Pueblo a bise:  Te aki bo trabao a yega, pasobra nos no a vota pa bo y bo partido sigui 4 aña mas.

Pues awor den proximo 4 añanan, AVP tin di busca forma pa haya confianza bek di pueblo.

 

- Advertisement -

1 COMMENT

  1. Esaki nos ta Jama un homber di palabranan berdad
    I korda tur kuta kana punta dede!!! Tin un DIOS KU NO ta drumi.
    Mike succes in danki

DUNA COMENTARIO

Please enter your comment!
Please enter your name here